55:479  479  EPIST.  PETRI  II  480  Satanae  et  impiorum  fraudes.  Videtur  tamen  in  lubrico  locare,  et  quasi  de  filo  suspendere  salutis  nostrae  certitudinem,  quum  fidelibus  cavendum  denuntiat  ne  a  sua  firmitate  excidant.  Quid  autem  nobis  fiet,  si  cadendi  periculo  subiacemus  ?  Respondeo,  hanc  exhortationem  et  similes  minime  huc  spectare  ut  nobis  fidei  securitatem  excutiant  quae  in  Deum  recumbit,  sed  ut  carnis  nostrae  desidiam  corrigant.  Qua  de  re  si  quis  plura  desideret,  petat  ex  decimo  prioris  ad  Corinth,  cap.  Summa  haec  est,  quamdiu  carne  sumus  circumdati,  urgendam  esse  nostram  tarditatem:  idque  apte  fieri  quum  et  nostra  infirmitas,  et  discriminum,  quae  nos  circumstant,  varietas  nobis  ponuntur  ante  oculos  :  caeterum  hinc  minime  labefactari  fiduciam  quae  Dei  promissionibus  insistit.  18.  Crescite  autem  in  gratia.  Ad  profectum  etiam  hortatur:  quia  haec  unica  est  perseverandi  ratio,  si  assidue  progredimur,  nec  resides  subsisti-