37:479  479  PRAELECTIONES  480  quidem  initio  hoc  formidabile,  quum  videret  Ieremias  suscipiendum  sibi  esse  bellum  non  tantum  cum  paucis  hominibus,  sed  cum  universo  populo  :  Deus  autem  se  unum  opponit  cunctis  mortalibus,  et  dicit,  Ego  sum  tecum,  ergo  ne  metuas.  Videmus  igitur  tunc  iustum  honorem  deferri  Deo,  ubi  eius  tutela  contenti  despicimus  rabiem  omnium  hominum,  nec  dubitamus  confligere  cum  omnibus  impiis,  etiam  si  ingenti  multitudine  contra  nos  surgant:  atque  etiam  si  validissimae  sint  eorum  opes  et  copiae,  statuimus  tamen  sufficere  unicum  Dei  praesidium  ad  nos  tuendos.  Haec  igitur  summa  est.  NUD  c  sequitur,  9.  Et  extendit  Iehovah  manum  suam,  et  tetigit  os  meum:  et  dixit  Iehovah  ad  me,  Ecce  posui  verba  mea  in  ore  tuo.  10.  Vide,  constitui  te  (vel  praefeci)  hodie  super  gentes  et  super  regna  ad  evellendum,  et  ad  destruendum,  et  ad  emendum,  et  ad  perdendum,  ad  aedificandum,  et  plantandum.  Hic  rursus  disserit  Ieremias  de  sua  vocatione,  ne  contemptui  sit  eius  doctrina,  ac  si  profecta  esset  ab  homine  privato.  Testatur  igitur  rursum  se  non  venire  proprio  motu,  sed  divinitus  esse  missum,  et  instructum  autoritate  prophetica.  Dicit  in  hunc  finem  posita  fuisse  verba  Dei  in  ore  suo.  Hic  locus  diligenter  notandus  est,  quoniam  breviter  definit  Ieremias  unde  iudicium  fieri  debeat  de  certa  vocatione,  ubi  quis  doctoris  munus  suscipit  in  ecclesia,  nempe  si  nihil  afferat  proprium  :  quemadmodum  etiam  dicit  Petrus  priore  sua  canonica:  Qui  loquitur,  loquatur  tanquam  sermones  Dei  (1.  Pet.  4,  l  l  )  ,  hoc  est,  non  loquatur  dubitanter,  ac  si  ingereret  sua  commenta,  sed  possit  secure  et  absque  ulla  dubitatione  obtendere  Dei  nomen.  Sic  etiam  Ieremias  hoc  loco,  ubi  audiri  postulat,  asserit  sermones  Dei  positos  fuisse  in  ore  suo.  Sciamus  ergo  quidquid  ex  hominis  ingenio  prodit  posse  contemni,  quia  Deus  vult  sibi  uni  deferri  hunc  honorem,  ut  audiatur  in  ecclesia  sua,  quemadmodum  heri  dictum  fuit.  Unde  sequitur  nullos  debere  agnosci  pro  Dei  servis,  nullos  debere  censeri  iustos  et  fidos  prophetas  vel  doctores,  nisi  per  quos  loquitur  Deus,  ut  nihil  ex  se  ipsis  confingant,  non  doceant  pro  suo  arbitrio,  sed  fideliter  tantum  perferant  quae  Deus  mandavit.  Visibile  symbolum  adiunctum  fuit,  quo  maior  confirmatio  accederet.  Non  est  quidem  hoc  trahendum  ad  generalem  regulam  :  quasi,  necesse  sit  contingi  omnium  doctorum  linguas  Dei  manu:  sed  hic  duo  ponuntur,  nempe  res  ipsa  et  externum  signum.  Quantum  ad  rem  spectat,  lex  praescribitur  omnibus  Dei  servis,  ne  sua  commenta  afferant,  sed  simpliciter  tradant  quasi  de  manu  in  manum  quod  acceperint  a  Deo.  Speciale  autem  hoc  fuit  in  Ie-