35:479  479  SERMON  CLVII  480  tout  bien  de  sa  main.  Voila  donc  comme  nous  avons  a  cognoistre  que  Dieu  est  tout-puissant.  Or  au  second  membre  Iob  definist  quelle  est  la  puissance  de  Dieu,  et  comme  il  nous  la  faut  apprehender.  Car  il  parle  des  pensees  de  Dieu.  Nous  en  voyons  beaucoup  de  phantastiques,  que  quand  ils  parlent  de  la  puissance  de  Dieu,  ils  speculent  ceci  et  cela,  O  si  Dieu  est  tout  puissant,  pourquoy  ne  fait-il  telle  chose?  si  Dieu  est  tout-puissant,  cela  est  possible.  Voire,  mais  il  ne  nous  faut  pas  ainsi  extravaguer  en  nos  imaginations:  la  puissance  de  Dieu  ne  s'adresse  point  a  nos  resveries,  et  n'y  a  rien  de  commun.  Quoy  donc?  Ce  sont  choses  inseparables,  que  la  puissance  de  Dieu  et  sa  volonte.  Dieu  est  tout-puissant:  est-ce  pour  faire  ce  que  l'homme  aura  basti  en  son  cerveau?  fy:  mais  c'est  pour  accomplir  ce  qu'il  a  ordonne  en  son  conseil.  Ainsi  donc  apprenons  d'unir  ces  deux  choses,  assavoir  le  conseil  de  Dieu  et  sa  vertu.  Voila  pourquoy  Iob  dit,  que  nulle  pensee  ne  sera  retiree  de  lui  qu'il  ne  execute  :  non  pas  ce  que  les  hommes  cognoissent  et  ce  qu'ils  determinent  (car  ce  n'est  pas  a  eux)  mais  ce  que  Dieu  aura  ordonnne,  et  ce  qu'il  aura  cognu  estre  bon.  Nous  voyons  donc  maintenant  comment  c'est  que  la  puissance  de  Dieu  doit  estre  cognue  de  nous:  c'est  afin  que  nous  ne  doutions  point  qu'il  ne  face  tout  ce  qu'il  aura  conclud:  non  point  empruntant  conseil  de  nous:  mais  pource  qu'il  est  la  fontaine  de  toute  sagesse,  c'est  a  luy  d'assigner  ce  qui  est  bon  de  faire:  car  tout  cela  est  tellement  en  sa  main,  que  rien  ne  le  peut  empescher  qu'il  n'accomplisse  tout  ce  qu'il  a  ainsi  avise.  Ceci  sera  mieux  entendu  par  la  pratique.  Ceux  qui  causent  de  la  puissance  de  Dieu  sans  propos  ne  raison,  viendront  cercher  des  choses  extravagantes.  Et  pourquoy  Dieu  ne  fait-il  ceci  veu  qu'il  est  tout-puissant?  Voire?  mais  est-ce  a,  nous  de  luy  faire  iouer  des  tours  ca  et  la?  C'est  a  luy  d'ordonner,  et  puis  c'est  a  luy  de  faire.  Cependant  ceux-la  mesmes  ne  prenent  point  garde  d'attribuer  a  Dieu  toute  vertu,  quand  il  est  question  d'esperer  en  luy.  Et  c'estoit  la  ou  il  nous  falloit  appliquer  la  puissance  de  Dieu:  c'est  qu'il  ne  faudra  point  a  nous  tenir  promesse:  et  que  si  nostre  salut  est  en  sa  main,  nous  sommes  asseurez  que  nul  mal  ne  nous  peut  advenir:  s'il  nous  a  en  sa  protection,  nous  sommes  aussi  tout  persuadez  que  nous  serons  invincibles  contre  nos  ennemis.  Voila,  di-ie,  ou  il  nous  falloit  mediter  la  puissance  de  Dieu:  comme  il  nous  est  monstre  quand  il  est  dit,  que  nul  ne  nous  ravira  de  la  main  de  Iesus  Christ,  lequel  nous  a  prins  en  sa  garde.  Et  pourquoy?  Car  le  Pere  qui  nous  a  commis  a  luy  est  plus  fort  que  tous.  Pourquoy  est-ce  et  a  quel  propos  que  Iesus  Christ  nous  propose  la  puissance  invincible  de  Dieu  son  Pere?  C'est  afin  que  nous  soyons  paisibles,  ne