8:478  mandatum.  Ergo  quia  disertis  verbis  Christus  et  apostoli  non  praecipiunt  quo  poenae  genere  digna  sint  adulteria  et  furta,x)  ideo  cessabunt  a  suo  officio  magistratus?  Si  quis  excipiat,  quia  Christi  adventu  abolitae  non  sunt  politiae,  sumendas  esse  de  maleficiis  poenas,  ut  legibus  sunt  constitutae  :  nempe  huic  responso  libenter  subscribo.  Nullos  fuisse  magistratus  2)  quibus  praeciperent  apostoli  quid  rectum  esset,  dicere  bupersedeo.  Hoc  uno  contentus  sum,  Christi  adventu  nec  mutatum  esse  politicum  ordinem,  nec  de  magistratuum  officio  quidquam  detractum.  Agedum,  quod  Paulus  docet  non  frustra  ab  ipsis  gladium  gestari  (Rom.  13,  4)  an  ad  speciem  unam  restringi  debet?  3)  Fatentur  isti,  quibuscum  nunc  discepto,  ad  alia  crimina  plectenda  iudices  divinitus  esse  armatos,  modo  a  religione  abstineant,  ut  libere  ipsis  tacentibus  impietas  lasciviat.  Verum  reclamat  innumeris  locis  spiritus  [pag.  33]  sanctus,  qui  sub  Christi  regno  sanae  doctrinae  et  legitimi  cultus  patronos,  ac  vindices  fore  reges  pronunciat.  Quando  David  principes  omnes  ad  osculandum  filium  hortatur  (Psal.  2,  12),  quid  potius  ab  illis  exigit,  quam  ut  sanam  doctrinam  suo  praesidio  defendant?  Quum  toties  dicit  venturos  esse  ut  Christo  tributum  offerant:  quid  aliud  intelligit  quam  purae  adorationis  praesides  futuros,  piaeque  doctrinae  custodes?  Quomodo  etiam  illud  Iesaiae  (49,  23)  vaticinium  implebitur,  ecclesiae  nutritios  fore,  nisi  ad  tuendum  pietatis  statum  potentiam  suam  conferant?  Ergo,  quin  piis  sanctisque  magistratibus  ex  Dei  mandato  regni  Christi  defensio  incumbat,  minime  ambiguum  est.  Accedat  iam  Pauli  suffragium,  quo  scrupulus  omnis  eximitur.  Solennes  in  ecclesia  preces  concipi  iubet  pro  regibus,  et  omnibus  qui  honore  et  potentia  excellunt  (i  Tim.  2,  1).  Quorsum?  Ut  quietam,  inquit,  et  tranquillam  vitam  agamus.  An  hoc  duntaxat?  Imo,  cum  omni  pietate  et  temperantia.  Si  tantum  modestiae  vel  temperantiae  facta  esset  mentio,  aliquid  forte  coloris  praetenderent  qui  a  principibus  religionis  causam  attingi  nolunt.  Sed  quum  hoc  nominatim  illis  munus  assignet  Paulus,  ut  Deum  rite  colendum  procurent:  quantae,  obsecro,  temeritatis  est,  iniuncta  divinitus  potestate  illos  exuere?  Duo  hic  observare  operae  pretium  est.  Neque  enim  privatos  homines  instituit  Paulus,  ut  se  Deo  addicant,  sed  de  publica  principum  functione  disserit,  quatenus  in  solio  locati  sunt,  et  gladio  instructi  ad  regendum  humanum  genus.  Deinde,  illorum  munus  non  solum  in  tuendo  cuiusque  iure  constituit,  sed  ad  fovendam  pietatem4)  ordinatos  [pag.  1)  Add.  empoisonnemens,  faussetes  et  choses  semblables.  2)  Add.  Chrestiens.  3)  Add.  ou  bien  s'il  comprend  tout  ce  qui  est  de  leur  devoir  ?  4)  maintenir  la  religion.