35:478  quelque  chose  te  peust  defaillir.  Notons  donc  qu'ici  simplement  il  est  parle  de  la  puissance  infinie  de  Dieu:  et  les  deux  mots  se  rapportent  a��  un.  Dieu  donc  peut  toutes  choses.  Et  comment?  Car  ce  qu'il  arreste  en  son  conseil  il  le  peut  executer  tantost,  sans  que  nul  l'empesche.  Or  il  semble  bien  que  Iob  ne  confesse  point  ici  tout  ce  qu'il  doit:  car  auparavant  il  avoit  bien  proteste  quo  Dieu  gouverne  le  monde:  mais  il  ne  laissoit  pas  de  murmurer  contre  luy.  Il  semble  donc  qu'il  n'ait  gueres  profite,  et  qu'il  retourne  tousiours  a  cest  article-la,  Que  Dieu  combien  qu'il  puisse  tout,  ne  laisse  pas  d'user  de  trop  grande  rigueur  quelquefois,  tellement  que  les  povres  creatures  souffrent  par  trop,  et  sont  tormentees  excessivement.  Mais  il  nous  faut  noter,  qu'ici  Iob  cognoist  la  puissance  de  Dieu  d'une  autre  facon  qu'il  n'avoit  point  fait:  c'est  assavoir  pour  s'humilier  sous  sa  main  forte,  cognoissant  que  ce  n'est  point  aux  hommes  mortels  de  luy  resister,  ne  de  se  rebecquer  contre  luy.  Quelquefois  nous  pourrons  dire  que  Dieu  a  tout  en  ea  main  et  conduite:  mais  cependant  nous  ne  laisserons  pas  d'estre  faschez  et  chagrignez  s'il  ne  fait  les  choses  a  nostre  appetit.  Et  d'ou  vient  cela?  C'est  d'autant  que  nous  n'avons  point  comprins  sa  haute  vertu,  pour  nous  y  assuiettir:  que  nous  n'avons  point  cognu  que  luy  ayant  toute  puissance  conduit  toutes  choses  en  iustice  et  droiture:  que  c'est  bien  raison  qu'il  nous  traitte  et  manie  comme  il  luy  plaist,  qu'il  dispose  de  nous  a  sa  volonte,  que  nous  ayons  la  bouche  close,  que  nous  n'attendons  point  de  repliquer  contre  ce  qu'il  fera.  Quand  donc  nous  aurons  cognu  la  puissance  de  Dieu,  pour  nous  aneantir  sous  luy,  et  confesser  que  c'est  bien  raison  qu'il  domine  sur  nous,  et  qu'il  y  ait  toute  autorite,  et  que  nous  luy  obeissions,  voire  non  point  par  force,  mais  d'un  esprit  debonnaire  et  paisible:  voila  une  vraye  confession  que  Dieu  est  tout-puissant.  Mais  cependant  que  nous  voulons  usurper  sur  luy,  que  nous  le  voulons  traitter  a  nostre  appetit,  que  nous  voulons  qu'il  nous  obtempere,  et  qu'il  face  ce  que  nous  aurons  conceu  et  imagine:  helas,  c'est  mal  recognu  qu'il  est  tout-puissant:  car  nous  voudrions  estre  ses  compagnons,  nous  voudrions  mesmes  estre  par  dessus  luy  en  ce  degre.  Notons  bien  donc  que  Iob  traitte  ici  de  la  puissance  de  Dieu  en  autre  sens  qu'il  n'a  fait  par  ci  devant.  Car  il  adore  Dieu  en  son  empire  souverain:  et  cognoist  qu'il  faut  que  toutes  choses  soyent  conduites  par  luy  :  que  c'est  son  office  de  gouverver  les  hommes,  et  que  nous  n'avons  point  a  murmurer,  si  Dieu  nous  afflige:  et  encores  que  les  choses  nous  soyent  dures  et  fascheuses,  qu'il  nous  faut  revenir  la,  Puis  qu'il  est  iuste,  ii  ne  peut  faillir:  et  c'est  a  nous  de  luy  complaire,  et  nous  captiver,  a  ce  que  nous  soyons  traittez  et  conduits  comme  il  luy  plaist:  et  au  reste  que  nous  tenions