20:478  quae  ipse  suaseris.  Te  itaque  oro  ut,  ei  tibi  est  otium,  literis  mihi  quid  faciendum  sit  per  capita  praescribas  et  significes.  Certum  enim  est  mihi  tibi,  tanquam  patri  et  viro  spiritu  et  sapientia  Dei  summa  praedito,  morem  gerere  in  rebus  omnibus  quoad  potero.  Et  sane,  si  firma  essem  valetudine,  quamprimum  ad  vos  proficiscerer',  ut  hanc  hiemem  vobiscum  traducerem,  et  me  tibi  componendum,  aut  etiam  de  integro  refingendum  committerem.  Quod  Deo  volente  faciam  ineunte  proximo  vere.  Debeo  tibi  plurimum  quod  eorum  calumnias  reieceris,  qui  me  doctrinam  a  vestra  diversam  clanculum  spargere  dictitant.  Quod  nefarium  et  horrendum  crimen  nemo  unquam  mihi  obiiciet  eorum  qui  me  norunt  aut  loquentem  familiariter  audierunt.  Ego  enim  omnem  vestram  doctrinam  tanquam  doctrinam  Dei  amplector  et  recipio,  eamque  pro  mea  facultate  semper  constanter  palam  et  privatim  asserui,  neque  permittet  Dominus  ut  ab  ea  unquam  vel  in  uno  apice  deflectam.  Sed  has  calumnias  non  puto  me  alia  ratione  repellere  posse  quam  si  vos  invisam  et  fidem  meam  vobis  coram  aperiam.  Quod,  ut  dixi,  decrevi  facere  prima  quaque  occasione.  Ne  vero  hoc  inducas  animum*,  admonitiones  tuas  a  me  spretas  fuisse.  Nam  si  id  facerem,  me  deploratum  esse,  et  Deum  potius  quam  te  me  ipsum  contemnere  iudicares.  Sed  quum  calumniis  et  maledicentia  nonnullorum  animum  tuum  a  me  alienatum  esse  suspicarer,  haec  revera  sola  causa  fuit  ut  ad  te  nunquam  scribere  auderem  nisi  literis  tuis  provocatus.  Nunc  autem  nihil  mihi  optatius  quam  veterem  et  intermissam  nostram  scribendi  consuetudinem  repetere.  Nihil  enim  domi  habeo  literis  tuis  iucundius,  quas  indies  exosculor,  ut  quae  sint  amicitiae  nostrae,  qua  nihil  prius  et  antiquius  habeo  et  qua  me  felicissimum  esse  duco,  pignora  et  monumenta.  Tale,  optime  parens,  et  mei  quaeso  filii  tui,  quem  in  Christo  genuisti,  nunquam  obliviscaris.  Vale,  inquam,  et  ecclesiae  Dei  vive  diu  incolumis.  Lutetia  idibus  Augusti.  l)  Tui  studiosissimus  Io.  Acanthius.  4202.1)  Hanc  epistolam  scriptam  esse  ut  ad  N.  3505  quamvis  sero  responderet,  nulli  dubitamus,  praesertim  quum  dicat  Calvinum  ipsum  castigasse  et  adiurasse,  quod  aperte  ad  illam  respicit  Omnino  ergo  ante  vernos  menses  a.  1561  prior  Uia  ponenda.  Vide  addenda  ad  N.  3505.