9:477  477  CHRISTI  IN  COENA.  478  nit  quomodo  corpus  suum  et  sanguinem  nobis  det  Christus  in  cibum  et  potum.  Nam  si  totus  Christus  in  pane  est,  imo  panis  ipse  est  Christus,  certe  verius  dicere  licebit  Christum  esse  corpus  suum:  a  quo  non  minus  abhorret  pietas  quam  communis  sensus.  Quod  si  attollere  sursum  corda  non  pigeat,  tam  integro  Christo  quam  distincte  carne  eius  et  sanguine  vescemur.  Et  sane  dum  Christus  ad  corpus  suum  comedendum,  et  ad  bibendum  suum  sanguinem  nos  invitat,  non  eliciendus  est  e  coelo,  vel  cogendus  ut  se  coram  sistat  pluribus  locis  ad  ingerendum  corpus  suum  et  sanguinem  ori  nostro:  quia  abunde  sufficere  debet  sacrum  illud  vinculum  nostrae  cum  ipso  coniunctionis,  dum  arcana  spiritus  virtute  in  unum  corpus  cum  ipso  coalescimus.  Ita  Augustino  assentior,  in  pane  accipi  quod  pependit  in  cruce.  A  delirio  tamen  Heshusii  et  similium  prorsus  abhorreo  :  Non  accipi,  nisi  in  os  carnale  ingeratur.  Nec  vero  κοινωνία,  de  qua  concionatur  Paulus,  localem  praesentiam  flagitat.  Nisi  forte  Paulus,  quum  docet  nos  vocatos  εἱς  κοινωνίαν  Christi  (1  Cor.  1,  9),  vel  de  nihilo  ita  loquitur,  vel  Christum  sistit  localiter  quocunque  evangelium  perfertur.  Nec  tolerabilis  est  huius  blateronis  improbitas,  me  nomen  illud  κοινωνιας  restringere  tantum  ad  societatem  quae  nobis  est  cum  Christo,  quoad  perceptionem  beneficiorum  eius.  Quod  tamen  antequam  penitus  excutio,  videndum  est  quam  argute  nos  eludat.  Ubi  enim  sacrificio  vescentes  Paulus  dicit  fieri  κοινωνοὺς  altaris  (1  Cor.  9,  13),  causam  adducit  bonus  hic  interpres:  Quia  scilicet  quisque  partem  ex  altari  accipiat,  [pag.  28]  atque  inde  concludit  falsam  esse  meam  interpretationem.  Nempe  quam  turbulento  suo  cerebro  confinxit:  quando  a  me  communicatio  statuitur,  non  solum  cum  fructu  mortis  Christi,  sed  cum  eius  corpore  in  salutem  nostram  oblato.  Verum  haec  quoque  interpretatio,  quam  velut  diversam  refutat,  ab  eo  refellitur,  quod  excludat  praesentiam  Christi  in  coena.  Hic  attente  observent  lectores  quod  praesentiae  genus  imaginetur,  cui  tam  mordicus  affixus  est,  ut  quam  habuit  Ioannes  Baptista  cum  Christo  communicationem  pro  nihilo  fere  ducat,  modo  obtineat  deglutitum  fuisse  a  Iuda  Christi  corpus.  Quaero  tamen  ab  hoc  reverendo  doctore:  si  participes  altaris  sunt  qui  sacrificium  in  partes  dividunt,  quomodo  se  excusabit  a  laniena  dum  partes  singulis  distribuit?  Si  aliam  mentem  sibi  fuisse  excipit,  sua  igitur  verba  corrigat.  Certe  ex  hac  arce,  in  qua  praesidium  omne  suum  locaverat,  depulsus  est:  Me  nihil  relinquere  in  coena  praeter  ius  rei  absentis,  quum  ubique  asseram  praesentem  in  spiritus  virtute  exhibitionem  rei,  loco  absentis.  Verum  nisi  barbarae  manducationi  subscribam,  qua  Christum  vult  ore  deglutiri,  implacabili  furore  ad  conviciandum  semper  feretur.  Yerbo  quidem  negat  de  modo  praesentiae  se  inquirere,