8:477  477  MICHAELIS  SERVETI.  478  mirum  :  ponitur  enim  hic  crassa  a  lege  Dei  et  probatis  eius  oraculis  defectio,  quae  divina  et  humana  iura  violat.  Neque  enim  quum  magistratus  tuendae  religioni  custodes  praeficimus,  eorum  acuimus  gladios  ut  de  quolibet  errore  poenas  sumpturi  mox  ad  sanguinem  prosiliant.  Scimus  enim  tres  esse  errorum  gradus  :  et  quibusdam  fatemur  dandam  esse  veniam,  aliis  modicam  castigationem  sufficere,  ut  tantum  manifesta  impietas  capitali  supplicio  plectatur.  Fideles  saepius  Paulus  hortatur  ut  se  invicem  tolerent,  quamvis  aliqua  sit  inter  eos  dissensio:  *)  nempe  si  qua  levis  superstitio  et  inscitia  simplicium  mentes  occupat,  ut  eam  patientia  corrigere  potius  studeant  quam  intemperanter  ad  vindictam  efferveant.  Secundum  errorum  genus  etsi  castigationem  meretur,  mediocris  tamen  adhibenda  est  severitas:2)  tantum  ne  indulgentia  alatur  eorum  improbitas  et  contumacia  qui  fidei  unitatem  scindere  cuperent.  Sed  ubi  a  suis  fundamentis  convellitur  religio,  detestandae  in  Deum  blasphemiae  proferuntur,  impiis  et  pestiferis  dogmatibus  in  exitium  rapiuntur  animae,  denique  ubi  palam  defectio  ab  unico  Deo  puraque  eius  doctrina  tentatur,  ad  extremum  illud  remedium  descendere  necesse  est,  ne  mortale  venenum  longius  serpat.  Hanc  regulam,  quam  ex  ore  Domini  aliis  praescripsit  Moyses,  fideliter  ipse  sequutus  est.  Quam  mansueto  fuerit  ingenio,  apparet  ex  tota  vitae  historia:  et  spiritus  sanctus  illustre  huius  virtutis  testimonium  ei  reddit.  Iudex  etiam  quam  humaniter  in  aliis  criminibus  puniendis  se  gesserit,  constat:  in  vindicando  autem  Dei  cultu  totus  ardet.  Consecrate,  [pag.  32]  inquit  (Exod.  32,  27),  manus  vestras  Domino:  nemo  fratri  suo  vel  propinquo  ignoscat:  ut  quisque  obvius  fuerit,  sine  venia  occidite.  An  putamus  subito  furore  correptum,  ita  solitae*clementiae  tunc  oblitum  fuisse  ut  sacros  Levitas  sanguine  madefieri  iuberet?  Imo  spiritus  Dei  quod  suo  ductu  gestum  erat  et  auspiciis  elogio  etiam  suo  commendat.  Ergo  ut  in  aliis  omnibus  peccatis  laudabilis  sit  clementia,  severe  impietatem,  quae  Dei  cultum  evertit,  sanctis  iudicibus  ulcisci  necesse  est,  ne  hominum  offensas  stulte  mitigando  Dei  ipsius  iram  in  se  provocent.  Sed  quidam  hunc  ordinem  regno  Christi  quod  spirituale  est,  et  praesenti  saeculo  congruere  negant  :  quia  nusquam  in  evangelio  iudicibus  detur  tale  1)  Add*  Attendez,  dit-il,  patiemment:  car  si  quelcun  a  opinion  diverse,  Dieu  luy  revelera  ce  qui  en  est  avec  le  temps.  En  quoy  il  signifie  que  s'il  y  a  quelque  petite  superstition  ete.  2)  Quant  a  la  seconde  espece,  combien  que  les  erreurs  qui  emportent  nuisance  a  l'Eglise  et  procedent  de  quelque  legerete  ou  ambition,  meritent  chastiement,  toutesfois  quand  il  n'y  a  point  un  mespris  de  Dieu  et  rebellion  avec  mutinerie,  on  y  doit  tenir  mesure,  que  la  severite  ne  soit  point  trop  rude.