55:477  477  CAPUT  III.  478  cavendum  ne  obrepat  carnis  securitas.*  ideo  in  bonis  operibus  strenue  laborandum,  et  in  stadio  vocationis  nostrae  celeriter  currendum  est.  Quem  prius  diem  Christi  dixerat  (ut  etiam  passim  in  scriptura  vocari  solet)  nunc  Dei  appellat,  et  merito.  Christus  enim  tunc  exsurget  ut  restituat  patri  regnum,  quo  sit  Deus  omnia  in  omnibus.  14.  Quare,  dilecti,  quum  haec  exspectetis,  studete  incontaminati  et  irreprehensibiles  ab  eo  inveniri  in  pace.  15.  Et  Domini  nostri  tolerantiam  salutem  existimate:  quemadmodum  et  dilectus  frater  noster  Paulus,  secundum  datam  sibi  sapientiam  scripsit  vobis:  16.  sicuti  in  omnibus  epistolis,  loquens  de  iis,  in  quibns  sunt  quaedam  difficilia  intellectu,  quae  indocti  et  instabiles  invertunt  (ut  et  caeteras  scripturas)  ad  suam  perniciem.  17.  Vos  igitur,  dilecti,  praemoniti  cavete:  ut  ne  simul  nefariorum  errore  abacti,  excidatis  a  vestra  firmitate.  18.  Crescite  autem  in  gratia  et  notitia  Domini  nostri  et  servatoris  Iesu  Christi:  ipsi  gloria  et  nunc,  et  in  diem  aeternitatis.  14.  Quare,  ete.  Recte  a  spe  ad  effectum  vel  studium  pie  vivendi  argumentatur.  Spes  enim  viva  est  et  efficax:  ideo  fieri  non  potest  quin  nos  ad  se  rapiat.  Ergo  qui  coelos  novos  exspectat,  novitatem  a  se  ipso  incipiet,  hucque  adspirabit  toto  studio:  qui  vero  in  sordibus  suis  haerent,  eos  certum  est  nihil  de  regno  Dei  cogitare,  ac  nihil  sapere  quam  mundum  corruptibilem.  Notandum  autem  quod  dicit,  i  n  v  e  n  i  r  i  nos  debere  a  Christo  i  r  r  e  p  r  e  -  hensibiles.  Nam  hoc  verbo  significat,  dum  alios  occupat  ac  detinet  mundi  respectus,  coniiciendos  nobis  esse  oculos  in  Dominum:  et  simul  quaenam  sit  vera  integritas,  ostendit:  nempe  quae  probatur  ipsius  iudicio,  non  autem  quae  apud  homines  laudem  habet.  Nomen  pacis  accipi  mihi  videtur  pro  quieto  conscientiae  statu  qui  in  spe  et  tolerantia  fundatus  est.  Quod  enim  tam  pauci  ad  Christi  iudicium  animos  advertunt,  inde  fit  quia  dum  praecipites  feruntur  importuna  sua  cupiditate,  simul  sunt  tumultuosi.  Ergo  pax  ista  silentium  est  pacatae  animae  quae  in  Dei  verbo  acquiescit.  Quaeritur  quomodo  inveniri  quispiam  possit  a  Christo  irreprehensibilis,  quum  tot  vitiis  laboremus  omnes:  sed  Petrus  hic  scopum  tantum  demonstrat,  ad  quem  tendere  fideles  oportet,  utcunque  eousque  non  pertingant,  donec  carne  sua  exuti,  Christo  penitus  adhaereant.  15.  Domini  nostri  tolerantiam.  Sumit  illud  pro  confesso,  Christum  ideo  diem  adventus  sui  differre,  quia  salutis  nostrae  rationem  habeat:  inde  igitur  animat  fideles,  quod  in  longiore  mora,  salutis  suae  signum  habeant.  Ita  quod  taedio  frangere  alios  solet,  prudenter  retorquet  in  contrariam  partem.  Quemadmodum  et  dilectus.  Facile  quum  ex  mul-