5:477  CONSILIUM  PAULI  UL  vabitur  quidquam,  si  ecclesiis  permittatur  quod  Dominus  de  eucharistia  ipse  instituit,  et  de  connubio  tum  per  se,  tum  per  apostolum  suum  docuit;  tantum  quae  vetustissimam  habent  originem,  et  quamdiu  stabit  hoc  saeculum  perpetuam  firmitudinem  obtinere  debent,  stabilientur.  Neque  igitur  propter  has  duas,  vel  ullas  alias  res,  quas  quidem  protestantes  concedi  sibi  petunt,  concordia  impedietur.  Dum  enim  protestantes  nihil  nisi  quod  Dominus  aut  iubet  aut  concedit,  permitti  sibi  postulant,  nec  quisque  est  hominum  qui  ea  quae  praecipit  vel  indulget  Dominus,  ullo  iure  vetare  queat;  nihil  certe  obstare  poterit,  quominus  universis  in  Domino  conveniat,  nisi  sint  quidam  qui  nolint  Christum  apud  suos  regnare.  Etsi  opponeretur  forte  quod  confirmatio  eorum  quae  ipsis  permitterentur  ratione  pacis  et  concordiae  sive  a  sede  apostolica  sive  a  [fol.  15]  concilio  postea  peti  posset,  certum  est  tamen  quod  is  consensus  non  exspectaretur,  sed  statim  in  eum  usum  utpote  sibi  gratissimum  veniretur.  Non  est  earum  rerum  petenda  ab  hominibus  confirmatio  quas  instituit  et  concessit  Deus.  Quo  facto  Germania  iam  unita  inter  se  et  receptis  ritibus  qui  sibi  placerent,  nullam  curam  amplius  gereret  de  concilio.  Non  hoc  agitur,  sed  ut  sit  rituum  modus  qui  cum  verbo  Domini  congruit.  Ex  quo  sequeretur  divisio  corporis  et  unitatis  ecclesiae,  quum  ii  usus  et  mutationes  neque  in  Galliis  neque  in  Hispaniis  neque  in  Italia  neque  in  aliis  provinciis  christianitatis  essent  receptae.  Restituatur  ubique  evangelii  libera  et  sincera  praedicatio  et  nulla  in  hisce  quidem  rebus  quas  requirunt  protestantes  reliqua  manebit  apud  fideles  Christi  varietas,  quae  iconsensionem  et  pacem  turbet.  Nihil  enim,  ut  dictum  est,  requirunt  quam  quod  Dominus  ipse  praecepit  et  ad  salutem  suorum  instituit.  Caeterarum  observationum  ecclesiis  sua  est  relinquenda  libertas.  Unitas  enim  ecclesiae  non  in  eisdem  ritibus,  sed  in  eadem  fide,  doctrina,  religione  sacramentorum  et  disciplinae  consistit.  Tempore  apostolorum,  martyrum  et  sanctissimorum  patrum  haec  necessaria,  dum  fideliter  custodiebantur,  sub  diversis  ritibus  sinceram  unitatem  conservabant  :  at  ubi  sub  romano  pontifice  ritus  conformes  in  variis  licet  regionibus  et  ecclesiis  obtinuerunt,  illa  ipsa  unica  salutis  fundamenta  et  vincula  christianae  societatis,  misere  sunt  vitiata,  et  tantum  non  plane  nobis  interciderunt.  Populi  enim  sui  societatem  Christus  in  novo  testamento,  ut  D.  Augustinus  scribit,  coadunavit  sacramentis  numero  paucissimis,  observatione