47:477  477  DE  LA  DIVINITE  DE  CHRIST.  478  commence  alors.  Voire?  mais  au  contraire,  il  faut  par  cela  plustost  conclure  que  la  Parolle  est  eternelle.  Car  si  un  homme  commence  de  faire  quelque  chose,  ce  n'est  pas  a  dire  qu'il  n'ait  point  este  auparavant.  Si  cela  est  aux  creatures,  que  sera-ce  quand  nous  viendrons  a  Dieu?  Ainsi  donc,  combien  que  la  Parolle  de  Dieu  n'ait  point  espandu  sa  vertu  plustost  qu'en  la  creation  du  monde,  ce  n'est  pas  a  dire  qu'elle  ne  fust  auparavant.  Voyla  ce  que  sainct  Iehan  veut  signifier  par  ceste  facon  de  parler  quand  ii  est  que  toutes  choses  ont  este  faites  par  ceste  Parolle.  Au  reste  notons  que  quand  il  est  parle  de  Dieu  le  Pere,  et  de  sa  Parolle,  nous  disons  alors  que  toutes  choses  sont  faites  de  Dieu  et  par  sa  Parolle,  et  ce  mot  de  Par  s'attribue  seulement  a  Iesus  Christ.  Vray  est  que  quand  il  est  parle  de  Dieu  simplement,  et  sans  distinction  des  personnes,  on  dira  bien  que  toutes  choses  sont  de  par  Dieu:  mais  quand  il  y  a  quelque  distinction  comme  en  ce  passage,  voyla  la  propriete  qui  convient  a  Iesus  Christ,  Que  toutes  choses  sont  faites  par  luy.  Et  c'est  ceste  distinction  personnelle  que  i'ay  dite,  que  toutes  choses  sont  de  Dieu  le  Pere,  mais  que  Iesus  Christ  en  est  le  moyen.  Voyla  ce  que  sainct  Iehan  a  entendu:  comme  s'il  disoit  que  Dieu  par  sa  Parolle  a  fait  toutes  choses.  Dieu  donc  declare  qu'il  en  est  la  source,  et  qu'il  a  falu  que  toutes  choses  ayent  este  faites  de  luy,  mais  par  le  moyen  et  en  la  vertu  de  sa  Parolle.  Et  sans  icelle  rien  n'a  este  fait  de  ce  qui  a  este  fait.  Sainct  Iehan  vient  yci  a  repeter  ceste  sentence,  non  point  seulement  a  cause  que  c'est  sa  facon  de  repeter  en  deux  sortes  une  mesme  chose,  mais  a  cause  de  l'ingratitude  des  hommes.  Car  encores  qu'on  leur  dise  que  toutes  choses  sont  faites  de  Dieu  par  sa  Parolle,  ils  n'apprehendent  point  cela.  Nous  voyons  que  les  creatures  de  Dieu  ne  nous  touchent  point  au  vif,  et  que  nous  sommes  si  stupides  et  si  grossiers  en  nostre  sens,  que  nous  ne  pouvons  comprendre  les  choses  ainsi  qu'elles  nous  sont  proposees.  Sainct  Iehan  donc  pour  nous  mieux  exprimer  cela,  adiouste,  sans  icelle  rien  n'a  este  fait  de  ce  qui  a  este  fait.  Comme  s'il  disoit,  Et  que  nous  sommes  malheureux  si  nous  ne  recevons  point  ceste  Parolle  eternelle  de  Dieu,  voyans  que  c'est  par  icelle  que  nous  avons  este  creez:  voire  que  tout  le  monde  a  este  fait,  le  ciel,  les  estoilles,  et  la  terre  qui  nous  produit  nostre  nourriture:  brief  que  tous  biens  nous  ont  este  donnez  par  le  moyen  de  ceste  Parolle.  Ainsi  donc,  quand  nous  voyons  que  nostre  vie  procede  de  la,  il  nous  faut  du  tout  tenir  a  icelle,  et  reietter  tout  ce  qu'on  nous  viendra  mettre  en  avant  au  contraire.  Il  y  a  yci  double  exposition  quant  a  la  pose  des  mots:  non  point  qu'ils  soyent