37:477  477  IN  IEREMIAM.  CAP.  I.  478  fectu.  Et  scimus  ex  bonis  principiis  saepe  aliqua  vitia  oriri:  sed  tamen  in  Ieremia  hoc  fuit  laudabile,  quod  putavit  sibi  non  suppetere  vires  ad  obeundum  propheticum  munus:  et  optavit  veniam  sibi  dari,  et  alium  eligi,  qui  ampliore  spiritu  et  uberioribus  donis  esset  praeditus.  Cras  prosequar  reliqua.  PRECATIO.  Da  omnipotens  Deus,  quum  non  modo  consulueris  veteri  tuae  ecclesiae,  ubi  elegisti  servum  tuum  Ieremiam:  sed  etiam  volueris  nostra  hac  aetate  exstare  fructum  laboris  eius:  da,  inquam,  ne  tibi  simus  ingrati,  sed  tanto  beneficio  sic  fruamur,  ut  fructus  in  nobis  appareat  in  gloriam  nominis  tui,  nempe  ut  discamus  nos  totos  tibi  addicere  in  obsequium,  et  quisque  ita  impendat  tibi  suam  operam  in  vocatione  sua,  ut  interea  coniunctis  animis  studeamus  promovere  nominis  tui  amplitudinem,  et  regnum  etiam  filii  tui  unigeniti,  donec  perfuncti  nostra  malitia  tandem  perveniamus  in  coelestem  quietem,  quae  nobis  parta  fuit  eiusdem  filii  tui  sanguine,  Amen.  Heri  dictum  fuit  cur  initio  detrectaverit  Ieremias  provinciam  docendi,  nempe  quia  non  putabat  se  fore  parem:  et  hac  ratione  vocabat  se  puerum,  non  aetate,  sed  quia  rerum  erat  imperitus.  Metaphorice  igitur  accipitur  hoc  nomen,  quoniam  fatetur  propheta  se  neque  scientia,  neque  usu  satis  esse  instructum.  Nam  inepte  hoc  ad  aetatem,  sicuti  dixi,  trahunt  quidam.  Quamvis  ergo  adultae  esset  aetatis,  tamen  propter  imperitiam,  et  quia  non  pollebat  necessariis  dotibus  ad  tam  praeclarum  munus,  ideo  puerum  se  nominat.  Nunc  sequitur  responsio,  Ne  dicas,  puer  sum,  quia  ibis,  ete.  Hic  Deus  non  tantum  praedicit  quid  facturus  sit  propheta,  sed  denuntiat  quid  velit  ipsum  facere,  et  quid  exigat  ab  ipso:  quasi  diceret,  Tuum  est  mihi  parere,  quoniam  penes  me  est  potestas  iubendi.  Ergo  necesse  est,  ut  pergas  quocunque  te  misero:  deinde  ut  proferas  quaecunque  praecepero  tibi.  His  autem  verbis  admonet  Deus  servum  suum,  non  esse  cur  ipsum  terreat  cognitio  propriae  imbecillitatis,  quia  sufficere  debeat  simpliciter  obsequi  ipsius  imperio.  Et  haec  doctrina  cognitu  apprime  utilis  est.  Nam  sicuti  nihil  aggredi  oportet  antequam  probe  expenderimu8  quid  vires  nostrae  ferant,  ita  ubi  Deus  aliquid  iniungit,  quasi  clausis  oculis  statim  mos  gerendus  est  eius  verbo.  Merito  laudatur  prudentia  in  scriptoribus:  et  hoc  etiam  potest  extendi  ad  alios  omnes  generaliter,  nempe  quid  ferre  recusent,  quid  valeant  humeri.  Unde  enim  tanta  in  plerisque  audacia  et  temeritas,  nisi  quoniam  fiducia  inflati  sese  proiiciunt?  Ergo  in  actionibus  hoc  est  quasi  legitimum  principium,  ut  quisque  expendat  vires  suas,  et  consilium  petat  ex  sua  mensura.  Ita