35:477  477  IOB  CHAP.  XLII.  478  redire,  et  que  nous  soyons  venus  iusques  au  droit  poinct,  il  n'y  aura  Binon  quelque  petite  preparation,  II  faut  donc  que  Dieu  poursuive  a  nous  enseigner,  afin  que  la  doctrine  que  nous  avons  ouye  soit  mieux  enracinee  en  nos  coeurs  et  qu'elle  nous  esmeuve,  et  que  nous  y  soyons  arrestez  du  tout.  En  somme  nous  voyons  que  la  penitence  ne  se  parfait  point  du  premier  coup,  mais  qu'il  faut  que  Dieu  apres  nous  avoir  rabottez  nous  polisse:  comme  quand  on  voudra  faire  une  piece  d'ouvrage  sur  un  bois  ou  sur  une  pierre,  il  faudra  marteler  beaucoup.  Ainsi  donc  faut-il  que  nostre  Seigneur  poursuive:  "ou  autrement  nous  aurons  quelque  petite  entree  a  penitence:  mais  cela  s'esvanouit  tantost,  ou  ce  sera  une  chose  imparfaite  et  rude.  Et  voila  pourquoy  il  nous  faut  souffrir  patiemment  si  Dieu  apres  nous  avoir  corrige  de  nos  fautes  ne  se  contente  pas  d'un  coup  de  verge,  mais  qu'il  redouble:  car  cela  nous  est  utile.  Et  au  reste  quand  nous  aurons  ouy  quelque  bonne  instruction  pour  nostre  salut:  si  nous  l'avons  receue,  sachons  que  ce  n'est  qu'un  goust:  que  nous  ne  sommes  point  encores  droitement  repeus,  et  qu'il  nous  y  faut  retourner.  Ne  nous  lassons  point  donc  de  la  doctrine  que  nous  aurons  entendue:  mais  aimons  a  profiter  tousiours  en  mieux:  sachans  que  tout  le  temps  de  nostre  vie  il  nous  faut  approcher  de  Dieu,  il  nous  faut  estre  confermez  en  sa  crainte  et  en  son  amour:  ou  sans  cela  nous  sommes  volages,  et  retournons  a  nostre  naturel:  quand  il  nous  semblera  que  nous  soyons  du  tout  reduits,  ce  ne  sera  rien  qu'une  fumee,  cela  s'escoulera  incontinent.  Voila  donc  ce  que  nous  avons  a  retenir.  Aussi  suivans  l'exemple  de  Iob,  quand  nous  aurons  cognu  nos  fautes  un  iour,  le  lendemain  efforcons  nous  de  les  cognoistre  tant  mieux  et  d'en  estre  encores  plus  navrez:  car  si  nous  cuidons  avoir  satisfait  a  nostre  devoir,  quand  nous  aurons  dit  un  mot,  et  que  nous  aurons  eu  quelque  bonne  pensee,  c'est  un  abus.  Ainsi  donc  la  penitence  doit  estre  tousiours  victorieuse,  tellement  que  quand  elle  aura  este  sans  feintise,  il  faut  qu'elle  redouble.  Or  venons  maintenant  a  ce  qui  est  dit,  Ie  say  que  tu  peux  tout,  et  que  nulle  pensee  ne  sera  retiree  de  toi,  ou  empeschee.  On  expose  ceci,  comme  si  Iob  attribuoit  a  Dieu  toute  puissance:  et  puis  secondement  un  conseil  infini  pour  prouvoir  a  toutes  choses,  et  pour  les  conduire:  comme  s'il  disoit,  Seigneur,  ie  say  que  tu  as  tout  en  ta  main,  et  que  rien  ne  t'est  cache:  et  tu  sais  et  cognois  tout.  Mais  ceste  facon  de  parler  est  plus  commune  en  Hebrieu  de  dire,  Nulle  pensee  ne  sera  empeschee  de  toy,  c'est  a  dire,  Tout  ce  que  tu  auras  ordonne  et  commande,  mesmes  ce  que  tu  auras  pense,  tout  cela  aura  son  execution  preste:  tellement  qu'il  ne  faudra  point  que  tu  y  travailles,  comme  si  tu  estois  empesche,  et  que