32:477  477  SERMON  SUR  LE  PSEAUME  CXXIV.  478  et  perverses,  les  autres  soubz  belle  couleur,  soubz  beau  semblant  de  droict.  On  machinoit  d'ordonner  des  tyrans  aux  lieux  ou  dominent  les  fideles.  Quand  vous  oyez  cela,  et  qu'en  faisant  signe  du  doigt  i'ay  tout  renverse,  direz  vous  que  c'est  peu  de  chose?  Il  est  vray  que  la  chose  n'est  point  si  apparente,  d'autant  que  le  mal  n'est  -point  venu  a  son  effect.  Mais  pour  cela  nous  sommes  de  tant  plus  tenus  a,  Dieu,  quand  la  chose  est  venue  iusques  a  ce  poinct  qu'on  ne  savoit  a  qui  on  avoit  alliance,  ne  de  qui  on  se  devoit  douter,  et  avoir  crainte,  nostre  Seigneur  y  provoit,  tellement  que  tous  les  infideles  sont  en  un  instant  renduz  confusibles.  Que  nous  allions  supprimer  une  telle  grace:  malheur  sur  celuy  qui  le  fera,  et  sur  toute  sa  lignee.  Que  nostre  Seigneur  convertisse  sa  fureur  sur  la  teste  d'un  tel  malheureux,  afin  que  nous  ne  portions  point  la  paste  au  four  pour  son  ingratitude.  Quant  a  nous,  ne  dissiinulons  point  en  cest  endroit.  D'avantage  il  n'est  point  question  seulement  de  remercier  Dieu,  mais  il  y  a  encore  un  article,  qui  est  le  troisiesme  passage  que  nous  devons  traitter  de  ce  Pseaume.  Nous  avons  parle  de  la  consideration  que  le  Prophete  nous  admonneste  d'avoir  de  la  rage  de  noz  ennemis.  Pourquoy  cela?  afin  que  nous  ayons  plus  grand  zele  de  glorifier  le  nom  de  Dieu.  Puis  nous  avons  parle  de  l'action  de  graces  solennelle.  Il  reste  de  venir  a  la  fin.  Recognoissans  le  bien  qu'il  nous  a  fait,  que  nous  soyons  exhortez  a  mettre  nostre  fiance  en  luy.  Puis  que  nostre  ame  est  eschappee  comme  un  oyseau  des  filetz,  en  le  benissant  disons:  Le  Seigneur  tout  puissant,  le  Dieu  du  ciel  et  de  la  terre  est  nostre  deffenseur.  Ce  qu'il  s'est  monstre  nostre  adiuteur,  ce  n'est  point  pour  nous  abandonner.  Nostre  ayde  sera  en  luy  a  tousiours  -  mais,  moyennant  aussi  que  nous  nous  rangions  soubz  l'ombre  de  ses  ailes.  Mais  encore  pour  mieux  exprimer  cela  le  Prophete  nous  monstre  que  nostre  ame  est  eschappee  comme  un  oyseau  des  filetz.  Le  rets  a  este  rompu.  C'estoyent  bien  des  filetz  tendus  apres  avoir  promis  merveille,  qu'on  ne  tienne  rien.  Cela  fut  conclu.  Il  n'y  a  que  trois  iours  qu'on  reformeroit  la  religion.  Tout  a  coup  nous  avons  change  propos.  Il  faut  faire  guerre  de  ce  coste  la.  Puis  un  Electeur  sera  appelle  soubz  peine  d'estre  bany,  et  son  pays  condamne  a  feu  et  a  sang.  Mais  premierement  nous  l'atrayerons  soubz  umbre  de  iustice.  Puis  quand  nous  aurons  depose  un  Electeur,  il  faudra  que  tout  le  monde  se  renge.  Mais  devant  que  faire  cela,  il  faut  aller  assaillir  les  autres.  Pais  des  machinations  par  dessoubz  terre.  Qu'enssions  nous  fait  si  nostre  Seigneur  n'eust  rompu  le  file?  Cognoissons  donc  le  dangier  on  nous  estions.  Comment  le  file  est  il  rompu?  Ouy  depuis  l'un  des  boutz  iusqu'a  l'autre.