9:476  nihilominus  persona  Christi  sit  ubique,  et  aequali  cum  patre  potentia  regat.  Imo  novit  totus  orbis  quam  impetuose  me  vexarint  omnes  eius  sodales  propter  huius  doctrinae  defensionem.  Atque  ut  crassiore  Minerva  hoc  exprimerem,  trito  illo  in  scholis  dicto  usus  sum  :  Quod  totus  Christus  sit  ubique,  sed  non  totum;1)  nempe  quia  integer  in  persona  mediatoris  coelum  et  terram  impleat:  licet  carne  sit  in  coelo,  ubi  humanae  suae  naturae  domicilium  elegit,  donec  in  iudicium  appareat.  Quid  igitur  obstat  quominus  illo  evidenti  discrimine  posito,  inter  nos  consentiamus?  Nempe  quod  mox  pervertit  Heshusius  quod  dixerat,  non  excludi  naturam  humanam,  dum  Christus  se  in  terris  fore  promittit.  Et  paulo  post:  Christum  ecclesiae  iu  diversis  locis  dispersae  adesse,  non  modo  quoad  divinam,  [pag.  26]  sed  quoad  humanam  naturam.  Tertio  clarius  absurdum  esse  negat  fateri,  quoad  humanam  naturam  in  diversis  locis  exsistere  ubicunque  vult.  Et  physicum  axioma,  quod  appellat,  aspere  reiicit:  Corpus  unum  in  diversis  locis  esse  non  posse.  Quid  nunc  clarius,  quam  Christi  corpus  fingi  immensum,  et  portentum  ubiquitatis  statui?  Confessus  nuper  fuerat  in  certo  coeli  loco  esse,  nunc  diversa  loca  assignat:  quod  est  lacerare  Christi  corpus  :  quia  sursum  cor  attollere  non  vult.  Obiicit  Stephanum  supra  omnes  coelos  non  fuisse  translatum  ut  Iesum  videret.  Quasi  non  saepius  antehac  diluerim  hoc  cavillum:  Ut  scilicet  non  agnitus  fuit  Christus  a  duobus  suis  discipulis,  quibuscum  in  eadem  mensa  familiariter  sedebat,  non  propter  metamorphosin  aliquam,  sed  quia  tenebantur  eorum  oculi:  ita  datos  faisse  oculos  Stephano,  qui  illuc  usque  penetrarent.  Certe  non  frustra  narrat  Lucas  oculos  intendisse  in  coelum,  ut  gloriam  Dei  videret.  Nec  frustra  Stephanus  ipse  testatur  coelos  sibi  esse  apertos,  ut  Iesum  conspiceret  stantem  in  dextera  patris.  Unde  satis  patet,  nisi  fallor,  quam  sinistre  eum  in  terras  eliciat  Heshusius.  Aeque  prudenter  colligit  Christum,  ut  se  Paulo  ostenderet,  fuisse  in  terra.  Quasi  ignotus  esset  Pauli  raptus  supra  tertium  coelum  :  quem  tam  magnifice  praedicat  (2  Cor.  12,  2).  Quid  ad  hoc  Heshusius?  Verba  eius  sunt:  Supra  omnes  coelos  quo  ascendit  filius  Dei,  Paulus  transferri  non  potuit.  Nihil  addo,  nisi  sputis  dignum  esse  hunc  hominem,  qui  Paulo  de  se  loquenti  abrogare  fidem  audet.  Sed  quum  Christus  distincte  offerat  in  pane  corpus  suum,  et  in  vino  sanguinem,  cohibenda  est  protervia  et  curiositas.  Fateor,  sed  non  inde  sequitur  claudendos  [pag.  27]  esse  oculos  ad  fulgorem  solis  arcendum.  Quin  potius  si  consideratione  dignum  est  mysterium,  attendere  conve-  1)  Christ  entier  est  partout,  mais  le  tout  de  Christ,  ou  tout  ce  qui  est  en  Christ,  n'est  pas  partout.