7:476  [pag.  230]  idem  scriptor,  libro  adversus  Iulianum  4.  Unde  et  eleganter  alibi  erroneum  vocat  illorum  cursum,  in  quo,  ut  quisque  magis  est  strenuus,  longius  a  meta  recedit,  ideoque  fit  miserior.  Ac  tandem  concludit,  melius  esse  in  via  claudicare,  quam  extra  viam  currere.  1)  Et  quid  plura  volumus?  Apostolum  anathematisent,  qui  negat,  absque  fide  posse  quempiam  placere  Deo  ^Hebr.  l  l  ,  6).  Christum  et  Paulum  anathematisent,  qui  omnes  infideles  mortuos  esse  pronunciant,  ac  per  evangelium  a  morte  suscitari  (Ioann.  5,  24;  Ephes.  2,  1).  In  VIII.  Respondeo:  Amen.  Nec  cuiquam  id  puto  unquam  in  mentem  venisse.  Qualis  enim  ab  illia  describitur,  veram  poenitentiam  continet,  ac  cum  fide  est  coniunctus.  Sed  de  servili  illa  geennae  formidine,  quae  aliquousque  cohibet  infideles,  ne  tam  furioso  praecipitique  impetu  ruant  in  maleficia,  idem  sentimus  cum  Augustino,2)  cuius  verba  sunt:  Et  quis  coram  Deo  innocens  invenitur,  qui  vult  fieri  quod  vetatur,  si  subtrahas  quod  timetur?  Ac  per  hoc  in  ipsa  voluntate  reus  est,  qui  vult  facere  quod  non  licet  fieri  :  sed  ideo  non  facit,  quia  impune  non  potest  fieri.  Nam  quantum  in  ipso  est,  mallet  non  esse  iustitiam,  peccata  prohibentem  atque  punientem.  Et  utique,  si  mallet  non  esse  iustitiam,  quis  dubitaverit,  [pag.  231]  quod  eam,  si  posset,  auferret?  Ac  per  hoc,  quomodo  iustus  est,  iustitiae  talis  inimicus,  ut  eam,  si  potestas  detur,  praecipientem  auferat,  ne  comminantem  vel  iudicantem  ferat?  Inimicus  ergo  iustitiae  est  qui  poenae  timore  non  peccat.3)  Et  sane,  ubi  non  alius  est  profectus,  quam  ut  peccator  terrore  cohibitus  fremat  adversus  Deum,  quis  peccatum  tali  contumacia  augeri  neget?  In  IX.  Hic  canon  minime  est  canonicus:  quia  rerum  inter  se  pugnantium  complexionem  continet.  Fide  enim  iustificari  hominem  imaginantur,  nullo  suae  voluntatis  motu.  Quasi  vero  non  corde  credatur  ad  iustitiam.  Hoc  inter  eos  et  nos  interest,  quod  motum  sibi  persuadent  oriri  ab  ipso  homine:  nos  autem  voluntariam  fidem  ideo  asserimus,  quod  voluntates  nostras  Deus  ad  se  trahat.  Adde,  quod  hominem  sola  fide  iustificari  quum  dicimus,  fidem  non  fingimus  caritate  vacuam:  sed  ipsam  solam  iustificationis  causam  esse  intelligimus.  In  X.  Si  pondus  haberent  haec  anathemata,  non  levem  simplicitatis  suae  poenam  daturi  essent,  qui-  1)  Praefat,  in  Psalm.  31.  2)  Ad  Anast.  Epist.  141  3)  Add.  Iusques  icy  sont  les  motz  de  S.  Augustin.