6:476  non  videtur.  Quid  autem  hodie  fit?  An  non  coram  imaginibus,  tanquam  praesentem  illic  haberent  Deum,  se  prosternunt?  Dei  porro  virtutem  et  gratiam  nisi  statuis  et  picturis  alligarent,  an  ad  eas  confugerent,  quum  orare  volunt?  Et  nondum  crassiores  superstitiones  attigi  :  quae  tamen  rudibus  imputari  nequeant,  quum  publico  consensu  approbentur.  Ornant  sua  idola,  nunc  floribus  et  coronis,  nunc  peplis,  vestibus,  zonis,  crumenis,  et  ineptiis  omne  genus.  Coram  illis  cereos  accendunt,  [pag.  36]  thus  adolent,  gestant  ea  humeris  in  pompa.  Confluunt  ex  longinquis  regionibus  ad  statuam  unam,  quum  domi  similes  habeant.  Similiter  quum  in  uno  templo  plures  sint  imagines,  aut  virginis  Mariae,  aut  alterius,  aliis  praeteritis,  una,  quasi  divinior,  frequentatur.  Quum  ad  Christophori  precantur  imaginem  aut  Barbarae,  precationem  dominicam,  cum  salutatione  angelica,  illis  occinunt.  Prout  vel  formosae,  vel  fumosae  sunt  imagines,  maiorem  illis  praestantiam  affingunt.  Accedit  et  ex  fabulosis  miraculis  nova  commendatio.  Alias  loquutas  esse  fingunt,  alias  templi  incendium  pede  restinxisse,  alias  demigrasse  sua  sponte  in  novum  domicilium,  alias  e  coelo  delapsas.  His  et  similibus  deliramentis  quum  totus  mundus  scateat,  idque  sit  omnibus  in  propatulo,  nos  tamen,  qui  unius  Dei  cultum  ad  verbi  sui  normam  restituimus,  et  restitutum  servamus  diligenter,  qui  puri  sumus,  ecclesiasque  nostras  purgavimus  ab  omni,  non  modo  idololatria,  sed  etiam  superstitione,  accusamur  de  violato  Dei  cultu,  quod  imaginum  venerationem,  hoc  est  idololatriam,  ut  nos  quidem  interpretamur,  ut  autem  malunt  hostes  nostri,  idoloduliam  sustulerimus.  Atqui  praeter  tam  clara  scripturae  testimonia,  quae  subinde  occurrunt,  etiam  veteris  ecclesiae  autoritas  nobis  suffragatur.  Quotquet  enim  exstant  purioris  saeculi  scriptores,  non  alium  imaginum  abusum  inter  gentiles  describunt,  quam  qui  in  mundo  hodie  visitur;  nec  minus  proprie  in  aetatem  nostram  [pag.  37]  competunt,  quaecunque  ab  illis  dicuntur,  quam  in  eos  ipsos,  quos  tunc  reprehendebant.  Quod  autem  de  sublatis,  tam  imaginibus,  quam  ossibus  et  reliquiis  sanctorum,  nobis  crimen  intendunt,  facilis  est  responsio.  Neque  enim  pluris  aestimari  oportuit  haec  omnia,  quam  serpentem  aeneum:  neque  vero  minor  fuit  causa,  cur  haec  removerentur,  quam  cur  confringeretur  ab  Ezechia  serpens  aeneus.  Certum  est,  idolomaniam,  qualiter  nunc  illa  fascinatae  sunt  hominum  mentes,  non  aliter  quam  subducta  insaniendi  materia,  curari  posse.  Et  nos  plus  satis  experimur,  verissimum  esse  illud  Augustini:  l)  neminem  orare  vel  adorare,  simulacrum  intuentem,  qui  non  sic  afficitur,  ut  ab  eo  exaudiri  se  putet.  Item,  plus  valere  simulacra  ad  curvandam  1)  Epist.  49.  Idem,  in  Psalm.  113.