5:476  est.  Invasit  enim  vel  obrepsit  haec  sacratissimi  sacramenti  violatio  nullo  idoneo  autore,  nulla  etiam  ratione.  Quanquam  concilium  constantiense  ausum  sit  istam  sacramenti  violationem  confirmare,  ne  quid  scilicet  indignum  ecclesiae  fide  et  autoritate  supini  ac  somnolenti  episcopi  admisisse  viderentur.  Quasi  'necesse  sit  ut,  quaecumque  hi  quavis  vel  inscitia  vel  malitia  in  ecclesiam  admittunt  aut  invehunt,  pro  inviolabili  ecclesiae  autoritate  recipiantur.  Professio  caelibatus  in  plerisque  conciliis  a  presbyteris  et  episcopis,  deinde  etiam  a  diaconis  et  subdiaconis  exacta  est,  verum  id  nec  publica  ecclesiae  autoritate,  nec  consensu  factum  est.  Publica  enim  ecclesiae  autoritas  cum  autoritate  Christi  verbique  ipsius  semper  est  coniuncta.  Haec  vero  statuit  non  esse  bonum  homini  esse  soli,  et  unumquemque  debere  suam  uxorem  habere  et  unamquamque  suum  maritum,  fornicationis  vitandae  causa.  Item  episcopos  et  diaconos  debere  eligi,  qui  sint  unius  uxoris  mariti,  nec  ulli  voluit  hominum  generi  lege  caelibatus  laqueum  iniicere.  Nam  quem  Dominus  negotio  eiusmodi  propter  regnum  suum  occuparit,  cum  quo  matrimonii  cura  non  cohaeret,  eum  etiam  verbi  illius  de  castratione  propter  regnum  coelorum  sic  capacem  reddit,  ut  etiam  absque  ullius  [fol.  14J  vel  voti,  vel  legis  necessitate  verum  caelibatum  colat.  'Exigere  itaque  in  universum  ab  omnibus,  qui  sacro  ministerio  adhibentur,  votum  caelibatus,  similiter  requirere,  ut  altera  tantum  species  eucharistiae  dispensetur  communicantibus  mensae  Domini,  non  autoritate  ecclesiae,  quae  eadem  spiritus  sancti  est,  in  ecclesia  occidentali  obtinuit,  sed  humana  quadam  ratione,  quae  dum  extra  coelestis  sapientiae  fines  exsulat,  facile  labitur.  Hinc  praepostera  caelibatus  admiratio,  qua  factum  est  ut  matrimonii  sanctitas  minoris  quam  deceret  aestimaretur.  Einc  privatae  illae  speculationes,  de  altera  eucharistiae  specie  populo  deneganda.  Nec  vero  ad  alterutrum  consensus  catholicae  ecclesiae  unquam  accessit,  nam  graeca  ecclesia  in  hodiernum  usque  diem,  et  matrimonium  ministris,  et  communionem  totius  eucharistiae  plelji  quoque  concedit.  In  Hispania  quoque,  Italia  et  Germania  retenta  diu  connubia  a  sacerdotibus  sunt.  Quum  concilia  illa,  quorum  autoritas  immerito  ecclesiae,  quantum  ad  hanc  rem  attinet,  adscribitur:  canones  de  exigendo  a  ministris  superiorum  ordinum  voto  caelibatus  ediderunt  ante  mille  annos.  Unde  liquet,  nec  consensum  ecclesiae  universalis  istis  duabus  rebus  unquam  accessisse.  Quanquam  ut  in  caeteris  rebus  ad  religionem  pertinentibus,  ita  et  in  his  duabus  observationibus  ecclesiae  autoritas  et  consensus  magis  ex  ipso  verbi  Domini,  quo,  ut  genita  est,  ita  vivit  et  sustinetur,  cognoscendus  est,  quam  ex  eo  quod  homines  in  ecclesia,  quocunque  in  illa  loco  existant,  comprobare  videantur.  Dum  enim  hic  vivunt,  erroribus  et  peccatis  sunt  omnes  obnoxii.  Sed  nec  no-