47:476  sont  tombez  en  un  abysme  d'erreur.  Et  c'est  une  iuste  punition  de  Dieu,  quand  nous  venons  ainsi  polluer  sa  doctrine,  la  mestant  parmi  les  foles  inventions  des  hommes.  Or  passons  maintenant  outre.  L'Evangeliste  dit  que  toutes  choses  ont  este  faites  par  icelle,  et  que  sans  icelle  rien  n'a  este  fait  de  tout  ce  qui  a  este  fait.  Apres  qu'il  nous  a  asseurez  de  l'essence  eternelle  de  la  Parolle  de  Dieu,  il  adiouste  une  confirmation  pour  nous  monstrer  sa  Divinite  eternelle,  afin  que  nous  soyons  plus  Certains  de  tout.  Toutes  choses,  dit-il,  ont  este  faites  par  icelle.  L'essence  de  Dieu  est  cognue  de  nous,  non  seulement  par  ce  que  nous  en  pouvons  comprendre,  mais  aussi  quand  il  se  declare  a  nous  par  ses  creatures.  Car  quand  l'Escriture  en  traitte,  alors  il  se  fait  la  visible:  et  non  seulement  visible,  mais  sainct  Paul  passe  encores  plus  outre,  disant  qu'encores  que  nous  soyons  aveugles,  nous  y  pouvons  taster  a  la  main.  Ainsi  quand  nous  aurions  les  yeux  fermez,  si  est-ce  que  nous  pouvons  cognoistre  ceste  vertu  de  Dieu.  Et  comment?  D'autant  qu'elle  est  la  dedans  en  nous.  En  qui  est-ce  que  nous  vivons,  que  nous  avons  mouvement  et  substance?  C'est  en  Dieu,  qui  nous  a  inspire  la  vie,  et  par  lequel  nous  subsistons.  C'est  donc  ce  que  nous  monstre  sainct  Iehan,  disant  que  toutes  choses  ont  este  faites  par  iceile.  Par  cela  nous  cognoissons  que  la  Parolle  de  Dieu  a  este  des  le  commencement,  laquelle  est  nostre  Dieu.  Et  comment  cognoissons-nous  cela?  Certes  nous  ne  pouvions  pas  parvenir  si  haut:  et  pourtant  Dieu  est  descendu  iusques  a  nous,  voire  Dieu  avec  sa  Parolle,  tellement  que  nous  le  pouvons  cognoistre,  et  encores  que  nostre  sens  ne  s'estende  pas  si  loin,  et  qu'il  ne  puisse  monter  pardessus  les  nues,  si  estce  que  nous  sommes  contraints  de  cognoistre  que  ceste  Parolle  est  vrayement  Dieu:  Et  comment?  Pource  que  toutes  choses  ont  este  faites  par  icelle.  C'est  donc  en  elle  que  toutes  choses  ont  este:  comme  l'Apostre  au^:  Hebrieux  le  monstre.  Confessons,  dit-il,  que  la  Parolle  de  Dieu  est  eternelle.  Et  pourquoy?  Pource  que  c'est  par  ceste  Parolle  que  toutes  choses  ont  este  faites.  Et  c'est  aussi  ce  que  dit  sainct  Paul  au  dixseptieme  chapitre  des  Actes,  que  Dieu  ne  s'est  point  manifeste  a  nous  sans  ample  tesmoignage:  pour  ce  que  nous  le  pouvons  contempler  en  toutes  ses  creatures.  Ainsi  entant  que  toutes  choses  ont  este  faites  par  sa  Parolle,  il  faut  cognoistre  qu'il  est  nostre  Dieu  eternel.  Il  y  en  a  d'aucuns  heretiques  qui  imaginent  que  la  Parolle  de  Dieu  a  eu  commencement  en  la  creation  du  monde,  pource  qu'il  n'a  point  este  iamais  parle  de  Parolle  iusques  a  ce  que  le  monde  a  este  cree:  comme  Moyse  dit,  Dieu  a  dit  qu'il  y  eust  lumiere,  et  la  lumiere  a  este  faite,  etc.  Or  ils  veulent  inferer  par  cela  que  la  Parolle  ait