37:476  datum  fuisse  prophetam  gentibus.  Deus  enim  voluit  ipsum  esse  ecclesiae  suae  ministrum:  nec  profectus  esfc  ad  Ninivitas,  ut  de  Iona  legitur:  neque  peragravit  alias  terras:  sed  tantum  impendit  operam  suam  tribui  Iehudah.  Cur  ergo  dicit  se  gentibus  datum  fuisse  prophetam?  Respondeo,  quamvis  specialiter  Deus  ipsum  ecclesiae  suae  praefecerit,  tamen  pertinuisse  eius  doctrinam  ad  alias  gentes,  quemadmodum  iterum  videbitur,  et  ex  progressu  etiam  melius  patebit.  Vaticinatus  enim  est  contra  Babylonios,  contra  Aegyptios  et  contra  Moabitas:  denique  complexus  est  omnes  populos,  qui  vicini  erant  ac  noti  Iudaeis.  Fuit  quidem  hoc  accidentale:  sed  quum  esset  specialiter  propheta  popularibus  suis  datus,  viguit  tamen  eius  autoritas  etiam  apud  profanas  gentes.  Nec  dubium  est,  quin  honorifice  loquutus  sit  de  gentibus  in  numero  plurali,  ut  amplior  constaret  doctrinae  eius  vis  et  dignitas.  Sequitur,  6.  Et  dixit  Ahah  Domine  Iehovah^  ecce  non  novi  loqui,  quia  puer  ego.  7.  Et  dixit  Iehovah  ad  me,  Ne  dicas,  puer  ego  (id  est,  sum  puer)  quia  ad  quaecunque  te  misero,  ibis,  et  quaecunque  tibi  praecepero^  loqueris.  Postquam  de  sua  vocatione  disseruit  propheta,  simul  adiungit  se  munus  initio  detrectasse:  idque  facit  ob  duas  causas.  Primum,  ut  se  purget  ab  omni  suspicione  temeritatis.  Scimus  enim  quantopere  grassetur  haec  cupiditas  inter  homines  :  quemadmodum  dicit  etiam  Iacobus  (c.  3,  1),  multos  appetere  sibi  magisterium:  ac  fere  nemo  est,  qui  non  libenter  cupiat  audiri.  Quum  igitur  plerique  nimium  cupide  prosiliant  ad  docendi  munus,  multi  etiam  sibi  rapiant,  ideo  Ieremias  ne  temeritatis  suspectus  sit,  pronuntiat  se  coactum  fuisse  effugere  hanc  necessitatem.  Deinde  eadem  etiam  ratione  sibi  plus  reverentiae  conciliat,  et  reddit  suos  discipulos  magis  attentos.  Cur  enim  recusat  parere  Deo,  ubi  vocatur  ad  munus  propheticum?  Nempe  quia  terret  ipsum  difficultas.  Atqui  haec  eadem  causa  debet  stimulare  lectores  ad  maiorem  attentionem,  sicut  debuit  tunc  expergefacere  auditores  quum  loquebatur  Ieremias.  Si  quis  roget  an  licite  detrectaverit  Ieremias  quod  iubebat  Deus,  in  promptu  est  responsio,  Deum  veniam  dedisse  servo  suo  quoniam  non  fuerat  ei  propositum  respuere  suam  vo��  cationem,  vel  se  eximere  ab  obsequio,  vel  iugum  excutere,  ut  otio  suo  consuleret,  vel  famae,  vel  aliis  suis  commodis:  nihil  tale  spectavit  Ieremias:  sed  quum  se  ipsum  respiceret,  statuit  se  minime  parem  fore  tam  arduo  muneri  obeundo.  Ergo  excusatio  modestiae  causa  tantum  additur.  Hinc  factum  est,  ut  Deus  ignosceret  eius  timiditati,  quoniam  manabat,  quemadmodum  iam  diximus,  ex  recto  af-