25:476  16.  Surrexit  itaque  Iosue  mane,  et  accedere  fecit  Israel  per  tribus  suas,  et  deprehensa  est  tribus  Iuda.  17.  Tunc  applicuit  cognationes  Iuda,  et  deprehendit  cognationem  Zari,  applicuit  deinde  familiam  Zari  per  viros,  et  deprehensa  est  familia  Zabdi.  18.  Et  applicuit  domum  eius  per  viros,  et  deprehensus  est  Achan  filius  Charmi,  filii  Zabdi,  filii  Zera,  de  tribu  Iuda.  10.  Tunc  dixit.  Non  reprehendit  Deus  simpliciter,  quod  Iosue  humi  prostratus  defleverit  cladem  populi:  quando  haec  ratio  fuit  impetrandae  veniae,  suppliciter  procidere  coram  eo,  sed  quod  intemperanter  se  moerori  dediderit.  Quanquam  obiurgatio  ad  futurum  magis  quam  ad  praeteritum  tempus  referri  debet:  quia  iubet  facere  lugendi  finem,  ac  si  diceret,  satis  superque  iacuisse  prostratum,  tollendam  esse  desidiam,  quia  alio  remedio  sit  opus.  Sed  prius  ostensa  mali  causa,  rationem  eius  tollendi  praescribit.  Infaustum  ergo  praelii  eventum  fuisse  admonet,  quia  scelere  populi  offensus,  eius  defensionem  abiecerit.  Diximus  ante,  cur  privati  sacrilegii  poenam  in  omnes  transscribat  :  quia  etsi  suo  et  aliorum  iudicio  rei  non  tenebantur,  iudicium  tamen  Dei  quo  in  eandem  simul  coniecti  sunt  damnationem,  occultas  habuit  rationes,  de  quibus  etsi  forte  liceat  sobrie  sciscitari,  curiosius  tamen  pervestigare  fas  non  est.  Rarum  tamen  clementiae  exemplum,  quod  damnationem  ore  tenus  ad  omnes  extendens,  non  nisi  in  unam  domum,  quae  piaculo  foedata  erat,  animadvertit.  Quae  sequuntur  ad  crimen  exaggerandum  valent:  atque  ideo  particula  D3  non  absque  vehementia  toties  repetitur:  quia  alioqui  extenuassent  criminis  atrocitatem.  Ergo  ubi  dicit,  etiam  transgressos  esse  pactum,  significat  non  leviter  deliquisse.  Ac  pactum  nominat  prohibitionem  quam  vidimus:  quia  mutua  stipulatione  adhibita,  ut  suae  essent  primitiae,  totius  terrae  spolia  Israelitis  permiserat.  Itaque  non  intelligit  pactum  generale,  sed  in  anathemate  se  fraudatum  esse  conqueritur:  quemadmodum  continuo  post  explicandi  causa  subiicit,  etiam  de  anathemate  tulisse:  idque  non  absque  sacrilegio,  dum  furati  sunt  quod  sibi  vendicaverat.  Mentiendi  verbum  pro  frustrari  spem  conceptam  accipitur,  vel  pro  fallere,  ut  passim.  Extremum  est,  quod  tametsi  primo  intuitu  leve  multi  ducerent,  non  tamen  abs  re  ponitur  tanquam  sceleris  cumulus,  quod  in  eorum  vasis  reconditum  sit  anathema.  Nam  certe  lucri  cupiditas  interdum  eos  sollicitat  qui  alioqui  non  prorsus  sunt  improbi:  in  occultatione  vero  et  custodia  magis  se  prodit  obstinatio,  ubi  maleficii  autor  nulla  poenitentia  tangitur.  Proximo  versu  nomen  anathematis  sumitur  diverso  sensu  pro  exsecratione:  quia  propter  aurum  subreptum  maledicti  erant  filii  Israel,  et  prope  exitio  devoti.  13.  Surge,  sanctifica  populum.  Quanquam  verbum  trip  latius  patet:  quia  tamen  de  expiando  po-