9:475  475  DE  VERA  PARTICIPATIONE  476  Atque  ex  hoc  syllogismo  cognoscat,  etiam  si  nulla  sit  in  mundo  philosophia,  se  tamen  esse  impuram  [pag.  24J  bestiam.  Sed  voluit  nimirum  hac  promiscua  damnatione  rationis  licentiam  in  tenebris  sibi  acquirere,  ut  haec  consequentia  valeret:  Quum  mentio  fit  crucifixionis  et  beneficiorum  quae  vivum  et  substantiale  corpus  Christi  praestitit,  symbolicum,  typicum,  vel  allegoricum  corpus  intelligi  non  potest.  Ergo  verba  Christi:  Hoc  est  corpus  meum:  Hic  est  sanguis  meus,  non  symbolice  nec  metonymice,  sed  substantialiter  intelligenda  sunt.  Quasi  vero  non  videant  elementarii  quoque  pueri,  symboli  nomen  ad  panem  referri,  non  ad  corpus:  metonymiam  non  esse  in  substantia  corporis,  sed  in  verborum  contextu.  Et  tamen  hic  tanquam  victor  olympicus  exsultat.  Iubet  nos  huc  intendere  omnes  ingenii  vires.  Ego  vero  ne  iocando  quidem  tantam  insulsitatem  refellere  dignabor.  Nam  quod  dicit  nos  terga  dare,  seque  ad  instandum  stimulat,  manifesta  in  eius  progressu  repugnantia  deprehenditur.  Fatetur  enim  nos  intelligere  corporis  Christi  substantiam  dari,  quum  Christus  per  fidem  totus  noster  sit.  Bene  est  quod  aerem  sine  noxa  ferit  hic  bos  cornupeta,  ut  non  sit  ab  eo  cavendum.  Hocne  est,  obsecro,  terga  dare,  quum  tam  aperte  detegimus  calumniam  de  corpore  allegorico?  Ipse  vero,  tanquam  epilepticus,  collecta  mente  novam  actionem  intentat  de  absentia:  quia  nihilo  plus  valeat  donatio  de  qua  loquimur,  quam  si  cui  donetur  ager,  qui  ab  eo  remotus  sit.  Itane  incomparabilem  spiritus  sancti  virtutem  aequare  audet  rebus  mortuis,  ut  tantundem  valeat  proventum  ex  agro  colligere,  ac  filio  Dei  uniri,  ut  ex  carne  et  sanguine  eius  vita  ad  animas  nostras  perveniat?  Saltem  hac  in  parte  nimium  rusticus  est  agricola.  Adde  quod  [pag.  25]  mentitur  nos  verba  Christi  exponere  de  iure  rei  absentis,  quum  satis  superque  notum  sit  absentiam  nos  restringere  ad  locum  et  aspectum.  Caeterum  quamvis  nec  oculis  nostris  carnem  suam  praesentem  Christus  exhibeat,  neque  etiam  locum  mutando  descendat  ex  gloria  coelesti,  negamus  hanc  distantiam  esse  obstaculo  quominus  vere  nobis  coniunctus  sit.  Quod  porro  genus  praesentiae  flagitet,  observandum  est.  Initio  diceres  hominem  sanae  esse  et  compositae  mentis.  Fatetur  Christum  esse  ubique  communicatione  idiomatum,  ut  traditum  fuit  a  patribus:  ideoque  Christi  corpus  non  esse  ubique  sed  propter  unionem  divinae  naturae  toti  personae  in  concreto  hoc  tribui.  Haec  prorsus  nostra  est  doctrina:  ut  videri  queat  praevaricando1)  redire  nobiscum  velle  in  gratiam.  Neque  aegre  admittimus  quod  subiicit:  Investigari  non  posse  quomodo  corpus  Christi  sit  in  certo  coeli  loco,  supra  coelos,  et  1)  en  tournoyant  a  ce  coup.