6:475  BE  NECESSITATE  eius  bonitaf,  sapientia,  potentia,  veritas  et  reliquae  virtutes  [pag.  34]  uberius,  quam  alibi  usquam-praedicentur,  quum  vera  fide  invocetur  in  Christi  nomine,  quum  celebrentur  eius  beneficia  et  animis  et  linguis,  quum  ad  simplicem  sinceramque  eius  obedientiam  perpetuo  revocentur  homines,  quum  denique  nihil  illic  audiatur,  quod  non  ad  promovendam  nominis  illius  sanctificationem  spectet:  quid  causae  est,  cur  nos  tam  male  excipiant,  qui  se  Christianos  profitentur?  Primum,  quod  tam  crassas  idololatrias,  quae  passim  in  mundo  visuntur,  acriter,  sicut  necesse  est,  reprehendimus,  hoc  ferre  nequeunt,  qui  tenebras  malunt  quam  lucem.  Deum  in  simulacris  adorari,  fictitios  institui  cultus  eius  nomine,  ad  sanctorum  imagines  supplicari,  mortuorum  ossibus  divinos  exhiberi  honores,  et  eius  generis  alia,  abominationes  ,  sicut  sunt,  ita  esse  clamamus.*)  Ob  hanc  causam  in  nos  invehuntur  qui  doctrinam  nostram  exosam  habent;  haereticos  nos  faciunt,  qui  cultum  Dei  ab  ecclesia  iam  pridem  approbatum  convellere  audeamus.  Quod  ecclesiae  nomen,  clypei  loco,  subinde  obiectant,  de  eo  paulo  post  videbimus.  Interea,  quae  ista  est  perversitas,  ubi  tam  flagitiosae  apparent  cultus  Dei  corruptelae,  non  modo  eas  tueri,  sed  ad  eas  quoque  operiendas,  ipsum  Dei  cultum  impudenter  obtendere?  Idololatriam  utrinque  fatemur  exsecrabile  coram  Deo  scelus  esse.  Quum  imaginum  cultum  attingimus,  hic  protinus  se  opponunt  adversarii,  ut  patrocinium  suum  accommodent  sceleri,  quod  nobiscum  verbo  damnaverant.  Imo,  quod  magis  ridiculum  [pag.  35]  est,  quum  nobis  assentiantur  de  graeco  vocabulo,  ubi  id  latine  vertitur,  refragari  tunc  primum  incipiunt.  Imaginum  enim  venerationem  fortiter  defendunt,  quum  idololatriam  damnent.  Sed  homines  ingeniosi  negant  esse  latriae  honorem,  quem  exhibent  suis  simulacris.  Quasi  vero,  si  conferantur  cum  veteribus  idololatris,  quidquam  inter  eos  intersit.  Praetexuerunt  illi,  coelestes  se  deos  colere,  sed  sub  figuris  corporeis,  quae  ipsos  repraesentarent.  Quid  aliud  isti  praetexunt?  Verum,  an  Deus  eiusmodi  excusationibus  satisfieri  sibi  patitur?  An  propterea  desierunt  prophetae  Aegyptiorum  increpare  dementiam,  quod  ex  arcanis  theologiae  suae  mysteriis  proferrent  argutias,  quibus  elaberentur?  Serpentem  quoque  aeneum  qualiter  existimamus  adoratum  fuisse  a  Iudaeis,  nisi  quod  tanquam  Dei  simulacro  honor  est  habitus?  Gentiles,  inquit  Ambrosius,2)  lignum  adorant,  quia  Dei  putant  esse  imaginem.  Sed  invisibilis  Dei  imago,  non  in  eo  est  quod  videtur,  sed  in  eo  utique  quod  1)  Sic  ed.  princeps  et  Gallasius.  Gallus  quoque:  c'est  abomination.  Beza  scripsit:  et  eius  generis  alias  abominationes,  sicut  sunt,  ita  esse  clamamus.  Quod  recentiores  serv  ar  unt.  2)  Ambrosius  in  Psal.  118.