55:475  475  EPIST.  PETRI  II  476  menti  evanescunt.  Huc  ergo  nos  revocat  apostolus,  ut  sciamus  non  pendere  diem  resurrectionis  ex  praesenti  temporum  fluxu,  sed  ab  aeterno  Dei  consilio:  ac  si  diceret,  ideo  homines  Deum  praevertere  cupiunt,  quia  carnis  suae  sensu  tempus  metiuntur:  natura  autem  ad  impatientiam  sunt  proclives,  ut  celeritas  quoque  illis  mora  sit:  vos  ergo  mente  in  coelos  conscendite,  ita  nullum  erit  vobis  longum  aut  breve  tempus.  9.  Non  tardat  Dominus  in  promissione,  sicuti  quidam  tarditatem  existimant:  sed  tolerantem  se  praehet  erga  nos,  nolens  ullos  perire,  sed  omnes  ad  poenitentiam  recipere.  10.  Venit  autem  dies  Domini  tanquam  fur  in  nocte:  in  qua  coeli  in  modum  procellae  transibunt,  elementa  autem  ardore  solventur:  et  terra,  quaeque  in  ea  sunt  opera  ardebunt,  l  l  .  Quum  haec  igitur  omnia  solvantur,  quales  oportet  non  esse  in  sanctis  conversationibus  et  pietatibus,  12.  Exspectantes  properando  adventum  diei  Dei,  propter  quem  coeli  solventur,  et  elementa  ardore  consumentur?  13.  Novos  autem  coelos  et  terram  novam  iuxta  promissum  eius  exspectamus,  in  quibus  habitat  iustitia.  9.  Non  tardat  Dominus.  Alia  ratione  nimiam  ac  praeposteram  festinationem  compescit:  nempe  quod  Dominus  adventum  suum  ideo  differat  ut  totum  humanum  genus  ad  poenitentiam  invitet.  Semper  enim  nobis  animi  pruriunt,  et  subinde  obrepit  dubitatio,  cur  non  citius  venit.  Sed  ubi  audimus  Dominum  saluti  nostrae  consulere  ubi  differt,  et  ideo  differre  quia  nostri  curam  habet:  non  est  cur  de  tarditate  amplius  queramur.  Tardus  enim  is  dicitur  qui  occasionem  pigritia  effluere  sinit:  in  Deo  nihil  simile,  qui  temporum  rationem  ad  salutem  nostram  optime  attemperat.  Atque  omnino  de  totius  mundi  duratione  idem  quod  de  cuiusque  hominis  vita  sentiendum  est.  Deus  enim  tempus  singulis  prorogando,  sustinet  eos  quoad  resipiscant.  Similiter  finem  mundi  ideo  non  accelerat,  ut  det  omnibus  resipiscendi  spatium.  Haec  valde  utilis  admonitio  est,  ut  tempore  recte  uti  discamus,  iustam  alioqui  ignaviae  poenam  daturi.  Nolens  ullos  perire.  Mirus  hic  erga  humanum  genus  amor,  quod  omnes  vult  esse  salvos,  et  ultro  pereuntes  in  salutem  colligere  paratus  est.  Notandus  autem  hic  ordo,  quod  paratus  est  Deus  omnes  ad  poenitentiam  recipere,  ne  quis  pereat.  His  enim  verbis  obtinendae  salutis  modus  indicatur:  proinde  quisquis  nostrum  ad  salutem  adspirat,  discat  hac  via  ingredi.  Sed  hic  quaeri  potest,  si  neminem  Deus  perire  velit,  cur  tam  multi  pereunt?  Respondeo,  non  de  arcano  Dei  consilio  hic  fieri  mentionem  quo  destinati  sunt  reprobi  in  suum  exitium:  sed  tantum  de  voluntate  quae  nobis  in  evan-