5:475  CONSILIUM  PAULI  HI.  adhuc  flagitia  tam  libidinose  proiectos?  Qualibus  exemplis  pontificii  iam  multos  annos  omnem  prope  pudicitiam  et  honestatem,  non  tantum  a  suo  ordine,  sed  toto  forme  orbe  profligarunt.  At  vero  si  pbntificii  Christum  nolint  in  ecclesia  regnare,  et  dum  suam  contra  Christum  tyrannidem  usque  tueri  pergunt,  nec  pure  praedicari  Christi  gratiam,  nec  sacramenta  ad  eam  commendandam  simul  et  exhibendam  administrari,  nec  disciplinam  iuxta  Christi  institutum  in  ministris  ac  plebe  exerceri  sustineant,  non  solum  quinquaginta,  sed  certe,  ut  dictum  est,  universi  articuli  tum  doctrinae,  tum  caeremoniarum,  tum  disciplinae,  in  perpetua  controversia  manebunt  inter  partes,  quae  nunc  dissident.  Nulla  enim  participatio  iustitiae  cum  iniustitia,  nulla  communio  luci  cum  tenebris,  nulla  consensio  Christo  cum  Belial.  Et  certe  qui  Christi  iugum  pertinaciter  refugiunt,  manent  in  ea,  ad  quam  nati  sunt,  morte,  ut  nihil  recti  vel  sani  cogitare,  dicere,  facere  queant.  Additur  etiam  quod  nescitur  in  quibus  tractanda  sit  concordia,  nam  non  omnes  eadem  sentiunt.  Lutherani  hoc  volunt,  illud  petunt  Zuingliani,  ut  reliquas  sectas  omittamus.  Et  hoc  malitiose  fingitur.  Restituantur  quae  Christus  instituit  et  vetus  observavit  ecclesia.  Removeantur  quae  contra  haec,  non  nisi  ab  antichristis  invecta  sunt,  et  sarcta  concordia  erit  cum  omnibus,  qui  Christi  sunt,  sive  ii  Lutherani  sive  Zuingliani  ab  adversariis  vocentur.  Si  qui  autem  alia  requirant,  hos  nec  protestantes  inter  suos  deputabunt.  Verum  demus  adhuc  concordiam  [fol.  13]  posse  fieri  et  protestantes  ad  obedientiam  sedis  apostolicae  posse  adduci,  certum  est  tamen  id  nullo  modo  fieri  posse  nisi  multa  protestantibus  permittantur.  Nihil  permitti  necesse  est  quam  quae  Dominus  aut  praecipit  aut  permittit.  Ea  autem  homo  cur  neget?  Quae  etiam  licet  essent  de  iure  positivo,  veluti  communio  sub  utraque  specie,  connubia  sacerdotum  et  similia,  non  deberent  tamen  sine  publica  autoritate  ef  consensu  in  ecclesia  innovari.  Si  nihil  horum  debet  in  ecclesia  sine  publica  autoritate  et  consensu  innovari,  quare  mutilata  est  communio  eucharistiae,  non  solum  contra  publicam  autoritatem  et  consensum  totius  apostolicae  et  catholicae  ecclesiae,  sed  etiam  contra  manifestum  institutum  Christi?  Quod  enim  Christus  instituit,  id  vetus  ecclesia  per  totum  orbem  usque  ad  proximos  quadringentos  annos  servavit,  et  graeca  hodie  servat,  nec  ullo  unquam  oecumenico,  sicut  nec  cuiquam  id  concilio  licere  potuit,  diversum  constitutum