47:475  475  CONGREGATION  476  ont  beaucoup  travaille  pour  pervertir  ce  passage  afin  de  n'estre  point  contraints  de  confesser  que  Iesus  Christ  fust  nostre  vray  Dieu.  Mais  nous  voyons  yci  que  S.  Iehan  parle  si  clairement  de  l'eternite  de  ceste  Parolle  qu'il  n'y  a  point  lieu  de  tergiversation  ne  de  subterfuge.  Il  adiouste  puis  apres  que  ceste  Parolle  estoit  au  commencement  avec  Dieu.  Il  n'avoit  pas  dit  ces  deux  mots  ensemble:  il  avoit  dit,  Ceste  Parolle  estoit  au  commencement:  elle  estoit  avec  Dieu:  maintenant  il  conioint  les  deux  ensemble.  Voyla  donc  comme  il  nous  faut  contempler  tellement  Iesus  Christ  que  nous  n'estimions  point  qu'il  ne  soit  vray  Dieu  et  d'une  mesme  essence  avec  le  Pere.  Il  a  bien  este  cree  quant  a  sa  nature  humaine:  mais  il  nous  faut  passer  plus  outre  pour  le  cognoistre  nostre  Dieu  eternel,  qui  est  tellement  nostre  Dieu,  que  cependant  il  est  la  sagesse  de  son  Pere,  laquelle  a  este  avec  Dieu  de  tout  temps.  Voyla  donc  quelle  est  la  somme.  Or  quand  nous  retiendrons  ceste  exposition  (comme  elle  est  simplement  mise)  elle'  nous  suffira  pour  nous  instruire  a  nostre  salut.  Et  c'est  bien  tout  ce  qu'il  nous  en  faut  scavoir.  Car  si  nous  venons  yci  a  disputer  follement,  il  nous  en  adviendra,  comme  i'ay  desia  dit,  ce  qui  en  est  advenu  aux  Papistes.  Au  reste,  notons  que  c'est  une  estude  folle,  de  travailler  beaucoup  a  confermer  ce  que  dit  yci  l'Evangeliste  avec  la  doctrine  des  Philosophes  anciens:  comme  il  y  a  des  gens  qui  8'empeschent  a  cela.  Il  est  vray  qu'en  Platon  on  trouvera  qu'il  y  a  eu  une  intelligence  en  Dieu.  Car  quand  il  parle  de  Dieu,  il  dit  que  Dieu  ha  tousiours  eu  son  intelligence  en  soy:  et  quasi  tous  les  autres  Philosophes  parlent  en  ceste  sorte.  Or  ceux  qui  sont  si  curieux  de  vouloir  ainsi  accorder  les  Philosophes  avec  l'Escriture  saincte,  pensent  beaucoup  profiter  a  l'Eglise  Chrestienne,  quand  ils  pourront  dire  que  les  Evangelistes  n'ont  point  este  seuls  qui  ont  ainsi  parle,  et  que  les  Payens  mesmes  ont  bien  cognu  telles  choses.  C'est  bien  apropos.  C'est  comme  si  on  mettoit  un  voile  au  devant  d'une  clarte.  Voyla  Dieu  qui  nous  esclaire  par  la  doctrine  de  son  Evangile,  et  nous  viendrons  mettre  un  voile  au  devant  pour  dire,  Ho  voyla,  ceste  clarte  sera  mieux  apparente.  Il  est  bien  certain  que  Dieu  a  voulu  que  ces  choses  mesmes  fussent  cognues  des  Philosophes  Payens  pour  les  rendre  tant  plus  excusables  devant  sa  Maieste:  mais  ce  n'est  point  a  dire  que  sa  doctrine  doyve  estre  confermee  par  ce  qu'ils  en  ont  dit.  Car  de  faict  nous  voyons  que  d'autant  qu'ils  ont  pense  approcher  de  Dieu,  ils  s'en  sont  eslongnez.  Et  en  cela  est  accomplie  ceste  sentence  de  sainct  Paul  qu'il  prononce  contre  tout  le  genre  humain.  Que  tous  ceux  qui  ont  voulu  estre  trop  aigus,  qui  n'ont  point  cherche  Dieu  en  telle  reverence  et  humilite  qu'ils  devoyent,