37:475  475  PRAELECTIONES  476  requiri,  ut  quis  audiatur  in  populo  Dei:  quia  nemo  proprio  et  privato  iure  hoc  sibi  arrogare  potest,  ut  loquatur,  quemadmodum  iam  dixi:  quandoquidem  hoc  Deus  sibi  uni  vendicat.  Sed  alibi  satis  fuse  de  vocatione  prophetica  disserui:  ideo  satis  est  quasi  digito  res  ipsas,  imo  summas  rerum  monstrare.  Et  loci  communes  aliunde  petendi  sunt,  quia  si  vellem  insistere  in  singulis  capitibus,  nullus  esset  finis.  Ego  autem  statui  meo  more  percurrere  hunc  prophetam.  In  hunc  igitur  finem  refert  Ieremias  se  a  Deo  fuisse  vocatum,  ut  audientiam  suo  iure  impetret  a  populo.  Nunc  quod  ad  verba  spectat,  Deus  pronuntiat  se  novisse  Ieremiam  antequam  formaret  ipsum  in  uteroK  Hoc  specialiter  non  dicitur  de  propheta,  quasi  alii  homines  Deo  sint  incogniti:  sed  restringitur  ad  munus  ipsum:  quasi  diceret:  Priusquam  te  formarem  in  utero,  destinavi  te  in  hunc  usum.  nempe  ut  subires  docendi  onus  in  populo  meo.  Et  repetitio  est  in  secunda  parte,  ubi  dicit,  Priusquam  egressus  esses  e  vulva  sanctificavi  te.  Idem  igitur  valet  sanctificatio  atque  notitia  Dei.  Et  ita  perspicimus  notitiam  non  vocari  meram  praescientiam,  sed  praedestinationem,  qua  Deus  pro  suo  arbitrio  singulos  homines  eligit,  et  simul  etiam  ordinat,  deinde  sanctificat.  Nemo  enim  suapte  natura  esset  idoneus,  quemadmodum  Paulus  exclamat  (2.  Cor.  2,  16).  Quum  igitur  facultas  haec  pendeat  ex  gratuito  Dei  dono,  non  mirum  est,  si  Deus  affirmet  se  Ieremiam  sanctificasse:  quasi  diceret,  Ego  te  formavi  hominem  in  utero,  sed  simul  destinavi  in  usum  singularem:  et  quoniam  non  poteras  tecum  afferre  tantum  excellentiae,  ut  obires  munus  propheticum,  ego  etiam  te  formavi  prophetam  et  non  hominem  duntaxat.  Haec  est  summa.  Caeterum  nimis  sunt  arguti  qui  existimant  sanctificatum  fuisse  prophetam  re  ipsa  ex  utero,  quemadmodum  de  Ioanne  Baptista  dicitur.  Nihil  enim  tale  verba  sonant.  Sed  tantum  de  se  Ieremias  testatur  quod  Paulus  etiam  de  se  affirmat  primo  capite  ad  Galatas  (v.  15),  se  fuisse  a  Deo  cognitum  antequam  esset  natus.  Fuit  ergo  non  effectu  sanctificatus  Ieremias  in  utero,  sed  in  Dei  praedestinatione  et  arcano  consilio,  quia  scilicet  tunc  Deus  ipsum  elegit  prophetam.  Quaeritur  nunc,  an  non  ante  mundi  creationem  electus  esset?  Facilis  est  solutio,  fuisse  quidem  a  Deo  praecognitum  mundo  nondum  creato:  sed  scriptura  ad  modulum  ingenii  nostri  se  accommodat,  ubi  de  cuiusque  generatione  loquitur.  Perinde  igitur  est  ac  si  Deus  de  Ieremia  diceret  fuisse  hac  lege  creatum  hominem,  ut  suo  tempore  manifestaretur  propheta.  Et  minime  dubium  est,  quin  exegetice  addiderit  clausulam,  quae  postea  sequitur,  Prophetam  in  gentibus  constitui  te.  Haec  igitur  est  sanctificatio  non  realis,  ut  dixi,  sed  tantum  quia  ordinatus  fuit  propheta  Ieremias  antequam  natus  esset.  Videtur  tamen  esse  absurdum  quod  dicit  se