32:475  475  SERMON  SUR  LB  PSEAUME  CXXIV.  476  nom,  exaltez  celuy  qui  est  monte  sur  les  hautz  cieux.  O  Seigneur",  tu  es  haut  esleve,  tu  as  espars  tes  ennemis,  et  tous  ceux  qui  te  hayent,  s'enfuyent  arriere  de  toy.  La  il  est  dit  que  le  Seigneur  est  arme.  Quelles  sont  les  armes  de  Dieu?  Il  y  a  des  cherubins  par  millions.  Voila  comme  en  ce  Pseaume  Dieu  est  mis  en  son  equippage,  comme  un  prince  qui  sort  en  guerre,  lequel  assemble  ses  pietons,  ses  gens  de  cheval,  son  artillerie.  Puis  il  est  dit:  Tu  es  monte  en  haut.  Et  comment?  Pour  avoir  victoire,  non  seulement  une  fois,  mais  toutes  fois  et  quantes  que  ses  ennemis  se  seront  levez.  Ainsi  donc  il  a  ses  gens  de  pied  et  de  cheval,  qui  est  le  nombre  infiny  des  Anges.  Puis  il  a  toutes  creatures  en  sa  main.  Parquoy  les  roys  des  armees  s'enfuiront,  ilz  s'enfuiront.  C'est  raison  que  l'Eternel  triumphe.  Pour  ceste  cause  apprenons  premierement  le  nom  de  Dieu.  Car  voila  par  ou  il  faut  commencer.  Que  nous  ne  meslions  point  de  superstition  avec  ce  qu'il  nous  commande.  Cognoissons  que  c'est  le  Dieu,  le  Dieu  vivant,  qui  a  eu  pitie  de  nous  par  sa  bonte,  et  qui  nous  a  peu  ayder  par  sa  vertu,  luy  seul,  dy-ie,  et  non  autre.  Secondement,  ostons  toute  presumption.  Gardons  nous  d'attribuer  cela  a  la  force  humaine.  Il  ne  dit  point  seulement  a  nous,  mais  si  ceux  qui  ont  eu  la  victoire  en  attribuent  quelque  portion  au  bras  charnel,  nostre  Seigneur  les  punira,  et  nous  avec  eux.  Cognoissons  que  le  Dieu  d'Israel  luy-mesme  a  donne  force  et  puissance  a  son  peuple.  C'est  luy  qui  nous  a  donne  victoire.  C'est  luy  qui  a  vaincu  noz  ennemis.  Voila  donc  comment  de  tout  temps  ceste  police  a  este  au  peuple  de  Dieu  quand  il  y  avoit  eu  quelque  victoire,  on  faisoit  sacrifice  solennel.  Le  peuple  n'attribuoit  rien  a  sa  vertu,  mais  confessoit  cela  estre  un  oeuvre  de  Dieu.  Combien  que  nous  n'ayons  point  les  sacrifices,  ne  les  ceremonies  de  la  loy,  neantmoins  si  avons  nous  la  verite.  Ce  n'est  point  une  chose  temporelle  que  Dieu  subvienne  a  son  peuple.  Cela  a  este,  et  durera  iusqu'a  la  fin.  Il  faut  donc  que  la  recognoissance  se  face  aussi  bien  en  tous  temps.  Voire,  mais  dira  icy  quelcun,  la  victoire  n'est  point  a  nous.  A  qui  donc?  Cognoissons  a  qui  se  faisoit  la  guerre.  N'allons  point  imaginer  que  la  chose  ne  nous  touche  rien.  Si  nous  n'avons  point  ouy  le  taborin,  nous  eussions  possible  senty  les  seconds  coups,  nous  eussions  este  tous  estonnez,  quand  en  un  moment  la  rage#se  fust  eslevee  contre  nous.  C'est  la  delectation  des  iniques  de  tout  confondre,  leur  rage  est  comme  un  orage  qui  passe,  et  fouldroye  tout.  Il  leur  sembloit  qu'ilz  nous  devoyent  devorer  comme  un  grain  de  sel.  S'ilz  eussent  une  fois  bien  commence,  ilz  eussent  pense  avoir  tout  gaigne.  Ce  que  nostre  Seigneur  a  donne  la  victoire  a  noz  freres,  cognoissons  que  c'est  aussi  pour  nostre