25:475  475  COMMENTARIUS  IN  IOSUE  CAP.  VII.  476  eventu  eum  turpiter  obmutescere  necesse  fuit.  Videmus  itaque  nulla  re  magis  torqueri,  quam  vocationis  suae  dedecore:  non  ut  suae  existimationi  consulat,  sed  ne  periclitetur  Dei  veritas  coram  mundo.  Denique,  quia  nonnisi  Dei  iussu  populum  adduxerat  in  terram  Chanaan,  eum  in  adverso  eventu  au  torem  compellat  et  vindicem  :  ac  si  diceret,  quando  in  has  angustias  abs  te  coniectus  sum,  ut  frustrator  videri  possim:  tuum  est  occurrere,  et  mihi  suggerere  defensionis  materiam.  9.  Audientque.  Proponit  alterum  metum,  quia  vicini  omnes  qui  vel  malis  subacti  vel  miraculis  expavefacti  quiescebant,  sumpta  confidentia  repente  impetum  facient  contra  populum.  Fuit  autem  id  probabile,  sicuti  Dei  potentia  eos  fregerat  et  reddiderat  attonitos,  ita  audacter  descensuros  in  proelium,  simulatque  desiissent  Deum  sibi  infestum  sentire.  Ergo  periculum  futuri  temporis  Deo  obiicit  nisi  mature  prospiciat,  quia  hac  occasione  arrepta  Chananaei,  qui  hactenus  torpore  constricti  iacebant,  ultro  insilient,  et  populum  exanimem  aggressi  facile  delebunt.  Caeterum  ex  clausula  patet,  non  simpliciter  commendare  populi  salutem,  sed  in  primis  satagere,  ut  salva  Deo  maneat  nominis  sui  dignitas,  nec  subiaceat  impiorum  petulantiae:  quod  futurum  erat,  si  eiectus  fuisset  populus  ab  haereditate  toties  promissa.  Nota  est  Dei  vox  quae  refertur  in  cantico  Mosis  (Deut.  32,  27):  Animus  esset  eos  perdere  nisi  timerem  hostium  superbiam:  ne  forte  dicant:  Excelsa  est  manus  nostra:  Iehova  haec  omnia  non  fecit.  Quod  ergo  Deus  se  humanitus  pronunciat  veritum  fuisse  nunc  cavendum  esse  Iosue  dicit  ne  clade  populi  eousque  insolescant  hostes,  ut  triumphos  agant  de  ipso  Deo.  10.  Tunc  dixit  Iehova  ad  Iosuam:  Surge:  Ut  quid  tu  ita  procidis  super  faciem  tuam?  l  l  .  Peccavit  Israel,  atque  adeo  transgressi  sunt  pactum  meum  quod  praecepi  illis,  eaque  etiam  tulerunt  de  anathemate,  atque  etiam  furati  sunt,  atque  etiam  mentiti,  atque  etiam  reposuerunt  in  vasa  sua.  12.  Itaque  non  potuerunt  filii  Israel  stare  coram  inimicis  suis  :  cervicem  vertent  coram  inimicis  suis,  quia  sunt  in  anathema,  non  perseverabo  esse  vobiscum,  nisi  deleatis  anathema  e  medio  vestri.  13.  Surge,  sanctifica  populum,  et  dicas:  Sanctificate  vos  in  crastinum:  sic  enim  dicit  Iehova  Deus  Israel:  Anathema  est  in  medio  tui  Israel:  non  poteris  stare  coram  inimicis  tuis,  donec  abstuleritis  anathema  e  medio  vestri.  14.  Accedetis  ergo  mane  per  tribus  vestras,  et  tribus  quam  deprehendet  Iehova  accedet  per  familias,  et  familia  quam  deprehendet  Iehova  accedet  per  domos:  et  domus  quam  deprehendet  Iehova  accedet  per  viros.  15.  Qui  autem  deprehensus  fuerit  in  anathemate,  comburetur  igni,  ipse,  et  omnia  quae  eius  sunt:  quod  transgressus  fuerit  pactum  Iehovae,  et  quod  fecerit  nefas  in  Israel.