9:474  Ab  hac  suspicione  quo  se  purget,  dicit  non  tantum  proprie,  vere  et  realiter,  sed  etiam  definitive,  panem  esse  corpus.  Si  respondeam,  me  mirari  quid  haec  sibi  velint  pugnantia  inter  se  portenta,  clypeum  Aiacis,  cui  iam  boni  illi  Luperci  sodales  assueverunt,  opponet,  rationem  esse  fidei  inimicam.  In  quo  facile  assentior,  si  ipse  animal  est  rationale.  Sed  quum  tres  rationis  gradus  considerandi  sint,  praecipiti  insania  omnes  uno  saltu  transvolat.  Nobis  ingenita  est  naturaliter  ratio,  quae  sine  Dei  iniuria  damnari  non  potest:  sed  ea  suos  habet  fines,  quos  si  exsuperat,  evanescit.  Cuius  rei  triste  documentum  est  in  lapsu  Adae.  Altera  ratio  vitiosa  est,  praesertim  in  natura  corrupta:  dum  mortalis  homo  res  divinas,  quas  suspicere  debuerat,  suo  iudicio  vult  subiicere.  Haec  ratio  mentis  est  ebrietas,  vel  dulcis  insania,  cui  aeternum  est  dissidium  cum  obedientia  fidei:  quando  nobis  stultescere  apud  nos  necesse  est,  ut  incipiamus  Deo  sapere.  Ergo  a  coelestibus  mysteriis  facessat  haec  ratio,  quae  nihil  aliud  est  quam  mera  fatuitas:  arrogantia  voro  comite  usque  ad  insaniam  transscendit.  Tertia  autem  ratio  est,  quam  et  spiritus  Dei  et  scriptura  nobis  dictat.  Omni  autem  proiecto  discrimine,  Heshusius  sub  praetextu  humanae  rationis  secure  damnat  quidquid  phrenetico  mentis  suae  somnio  adversum  est.  [pag.  23]  Exprobrat  rationi  nos  plus  deferre  quam  Dei  verbo.  Quid,  si  nullam  rationem  adducimus,  nisi  ex  verbo  Dei  sumptam  et  in  eo  fundatam?  Ostendat  nos  in  Dei  mysteriis  profano  more  philosophari,  coeleste  regnum  metiri  nostro  sensu,  spiritus  bancti  oracula  subiicere  carnis  iudicio,  non  admittere  nisi  quod  prudentiae  nostrae  arridet.  Atqui  longe  aliter  res  habet.  Quid  enim  rationi  humanae  magis  repugnat,  quam  animas  creatione  immortales  vitam  mutuari  a  carne  mortali?  Hoc  asserimus.  Quid  terrenae  prudentiae  minus  con  sen  taneum,  quam  carnem  Christi  vim  suam  vivificam  e  coelo  ad  nos  usque  diffundere?  Quid  magis  alienum  a  nostro  sensu,  quam  panem  corruptibilem  et  caducum  spiritualis  vitae  indubium  esse  pignus?  Quid  magis  a  philosophia  remotum,  quam  filium  Dei,  qui  secundum  humanam  naturam  in  coelo  est,  sic  habitare  in  nobis,  ut  quidquid  ei  a  patre  datum  est,  nobis  sit  commune,  adeoque  ut  immortalitas,  qua  donata  est  ^ius  caro,  nostra  sit?  Haec  omnia  clare  testamur:  o  uum  Heshusius  non  nisi  suum  delirium  urgea.1.  Carnem  Christi  comedi  ab  incredulis,  nec  tamen  esse  vivificam.  Quod  si  nulla  ab  eo  creditur  esse  ratio  extra  philosophiam,  ex  brevi  syllogismo  discat:  Quisquis  analogiam  signi  et  rei  signatae  non  observat,  animal  est  immundum,  ungulam  non  findens.  Qui  panem  asserit  vere  et  proprie  esse  Christi  corpus,  analogiam  signi  et  rei  signatae  evertit:  Ergo  qui  asserit  panem  esse  proprie  corpus,  animal  est  immundum,  non  findens  ungulam.