8:474  cipiti  impetu  extra  vocationis  suae  metas,  nec  mortis  suae,  qua  reconciliandi  erant  homines  Deo,  quidquam  morae  afferri.  Hactenus  quaecunque  ab  adversa  parte  obtendi  solent  bona  fide  retuli,  et  me  satis  diluisse  arbitror.  Superest  ut  non  modo  liberum  esse  magistratibus  doceam  poenas  sumere  de  coelestis  doctrinae  corruptoribus,  sed  quod  illis  nolunt  licere  imperiti,  divinitus  esse  mandatum,  ut  pestiferis  erroribus  impunitatem  dare  nequeant  quin  desciscant  ab  officii  sui  fide.  1)  Ac  primo  quidem  hoc  dictare  naturae  sensum,  ut  in  omni  politia  bene  composita  principium  teneat  religio,  et  legum  praesidio  integra  servetur,  testes  sunt  ipsi  increduli.  Legantur  philosophi,  quicunque  hoc  argumentum  tractarunt.  Certe  incipiunt  a  divino  cultu,  et  eo  religionis  genere  quod  optimum  esse  putabant:  ut  secundum  eos  barbarus  sit  et  insipidus  legislator,  cui  pietatis  erga  deos  prima  non  est  cura.  Pudendum  vero  nobis  erit,  illos  in  tenebris  vidisse  quod  nos  in  luce  fugiat,  Nec  superstitioni  tribui  potest  quod  illi  in  legibus  suis  religionis  custodiam  complexi  [pag.  27]  sunt.  Quid  enim  absurdius  est,  quum  furta  severe  puniat  iudex,  sacrilegiis  licentiam  dare?  quum  suum  cuique  honorem2)  salvum  tueatur,  lacerandam  impiis  exponere  Dei  gloriam?  De  periuriis  nemo  litem  movere  audebit  quin  graviter  punienda  sint.  Cur  hoc  fatentur  qui  haereticis  exhibendam  esse  molestiam  negant,  nisi  quia  periuriis  laeditur  humana  societas?3)  Ergo  Dei  gloria  hominum  commodis  implicita  vindicabitur:  ubi  autem  nemo  de  sua  iactura  queretur,  inulta  cum  ludibrio  iacebit?  Supervacuum  foret  pluribus  verbis  hoc  persequi.  Nam  quum  rectae  politiae  finis  sit,  legitimi  inter  homines  ordinis  conservatio,  neglectus  autem  pietatis  ordinem  hunc  ita  dissipet,  ut  extra  ipsam  bruta  sit  hominum  vita,  mutilam  esse  gubernationis  formam  constat,  in  qua  negligitur  religio:  et  magistratus  nonnisi  dimidios4)  esse  et  umbratiles,  qui  forensibus  tantum  negotiis  intenti  de  asserendo  Dei  cultu  non  cogitant.  Huius  rei  illustre  nobis  exemplum  spiritus  Dei  proponit  in  Nabuchadneser.  Nam  eius  edictum  celebrat  Daniel  (3,  29)  quo  capitalem  poenam  denunciat  si  quis  in  Deum  Israel  blasphemus  fuerit.  Honor  profecto  non  vulgaris  crudeli  tyranno  habetur,  quum  prophetam  suum  Dominus  ad  publicandas  quas  tulit  leges  quasi  praeconem  assignat,  et  leges  ipsas  in  acta  sua  refert,  sacrisque  suis  oraculis  annumerat.  Quid?  an  spiritus  sancti  et  prophetae  elogio  laudatur  Nabuchadneser,  qui  veri  Dei  1)  Add.  et  soyent  reprehensibles  devant  Dieu.  2)  le  droit.  3)  Add.  et  qu'on  feroit  ouverture  a  toute  desloyaute.  4)  avortons  a  demi  formez.