7:474  aliunde  quam  a  Deo  sit  assensus,  vel  obsequium  rectae  voluntatis.  Intus  agit,  corda  tenet,  corda  movet,  eosque  voluntatibus  eorum,  quas  in  illis  operatus  est,  trahit:  inquit  Augustinus  libro  de  correptione  et  gratia  cap.  14.  Et  qualis  erit  cordis  ferrei  a  se  ipso  praeparatio,  donec  mirabili  conversione  carneum  esse  coeperit?  Quod  solidum  esse  Dei  opus,  testatur  propheta  (Ez.  ll,  19;  36,  26).  Dissentiet  quidem  a  Deo  hominis  voluntas,  quamdiu  erit  contraria:  verum  si  in  obedientiam  composita  fuerit,  iam  sublatum  est  dissentiendi  periculum.  Atqui  eam  esse  divinae  gratiae  efficaciam,  ut  subacta  [pag.  227]  omni  repugnantia,  ex  invitis  nos  faciat  obsequentes,  non  ipsi  sumus  autores,  sed  Dominus  per  prophetam:  quum  se  facturum  promittit,  ut  in  praeceptis  suis  ambulemus.  Item  Christus,  quum  dicit:  Quisquis  audivit  a  patre  meo,  venit  ad  me  (Ioann.  6,  45).  In  V.  De  verbo  ne  moveamus  rixam.  Sed  quia  per  liberum  arbitrium  intelligunt  eligendi  facultatem,  quae  sit  in  utramque  partem  libera  et  soluta,  titulum  sine  re  esse,  1)  qui  affirmant,  Christum  habent  autorem,  quum  dicit,  liberos  fore,  quos  filius  liberaverit:  alios  esse  servos  peccati  (Ioann.  8,  36).  Libertas  certe  et  servitus  contraria  sunt.  Quod  ad  ipsam  vocem  attinet,  audiant  Augustinum:  qui  liberam  hominis  voluntatem  esse  negat,  quamdiu  vincentibus  et  vincientibus  cupiditatibus  subdita  est.2)  Alibi  autem  sic  loquitur:  Victa  vitio,  in  quod  cecidit  voluntate,  caret  libertate  natura.3)  Item:  Libero  arbitrio  male  usus  homo,  et  se  perdidit,  et  ipsum.  4)  Item:  Magnas  homo  liberi  arbitrii  vires,  quum  conderetur,  accepit:  sed  peccando  amisit.5)  Non  attendunt  stulti  homines,  in  liberi  arbitrii  nomine  sonare  libertatem.  Si  autem  servi  sunt  peccati:  quid  se  de  libero  arbitrio  iactant?  A  quo  enim  quis  devictus  est,  huic  et  servus  addictus  est.  Quin  etiam  alibi  palam  nomen  ipsum  ridet.  [pag.  228]  Liberum,  inquit,  arbitrium,  sed  non  liberatum.  Liberum  iustitiae,  servum  peccati.6)  Quid  ergo  tantopere  succensent  miseros  homines  admonentibus  suae  servitutis,  ut  ad  liberatorem  confugere  discant?  In  VI.  Ego  quum  a  paradoxis  abhorream,  libenter  etiam  hoc  repudio,  tam  proprium  esse  Dei  opus  1)  que  ce  n'est  qu'un  tiltre  volant  comme  un  royaume  sans  subietz.  2)  Epist.  144  ad  Anastasium.  3)  Homil.  53  in  Ioann.  4)  De  perfect,  iustitiae.  5)  Libro  de  verbis  Apostoli,  serm.  3.  De  spir.  et  lit.  c.  30.  6)  De  correptione  et  gratia  c.  13.