35:474  sible  ?  Voila  une  beste  brute,  laquelle  on  ne  sauroit  donter.  Or  il  est  vray  que  la  comparaison  n'est  pas  propre  en  tout  et  par  tout:  comme  aussi  il  ne  faut  pas  que  les  similitudes  respondent  en  chacune  partie:  mais  c'est  pour  nous  monstrer,  que  si  une  povre  beste  qui  n'a  ne  raison  n'intelligence  a  une  telle  vertu  en  soy,  qu'elle  nous  face  craindre,  et  fuir,  et  que  sera-ce  de  celuy  qui  a  tout  cree  et  forme?  Et  au  reste,  si  on  n7ose  point  resveiller  une  balaine:  comment  osera-on  s'adresser  au  Dieu  vivant  pour  luy  faire  la  guerre:  comme  font  tous  ceux  qui  le  viennent  picquer  et  despiter  entant  qu'en  eux  est?  Toila  nostre  Seigneur  qui  demande  de  se  monstrer  doux  et  amiable  envers  nous:  et  defait  nous  voyons  comme  il  tend  a  supporter  nostre  infirmite:  mais  nous  voulons  faire  des  enragez,  et  des  bestes  sauvages,  et  le  venons  picquer  manifestement  comme  si  nous  le  defions.  Et  pourronsnous  porter  sa  presence?  Ne  nous  sera-elle  point  plus  espouvantable  beaucoup  que  celle  d'une  balaine  ?  Apres  notons  quand  il  est  dit,  que  les  balaines  font  bouillir  le  profond  comme  une  chaudiere,  et  mettent  la  mer  comme  un  mortier:  comme  il  estoit  aussi  parle  de  l'elephant,  qu'il  fera  passer  la  riviere  du  Iordain  par  son  gosier:  car  quand  nous  voyons  qu'une  beste  demeure  la  et  engloutist  les  abysmes:  ie  vous  prie,  comment  devons-nous  estre  plus  espouvantez  de  la  maieste  de  Dieu?  Yoila  la  balaine  qui  devroit  estre  estouffee  au  milieu  des  eaux:  et  toutesfois  ceste  beste  est  si  grande  et  si  grosse  qu'elle  send  la  mer  au  milieu:  elle  la  fait  bouillir  comme  un  pot  de  son  esternuement  (comme  il  en  est  icy  parle)  elle  renverse  les  navires,  et  semble  qu'elle  doive  engloutir  tout  ce  qui  est  a  l'entour  d'elle:  et  nostre  Seigneur  aura-il  seulement  un  esternuement  des  balaines?  Mais  il  a  ce  souffle  duquel  il  est  parle  au  Prophete  Isaie  (40,  24),  et  aussi  au  Pseau.  104  (29)  que  si  Deu  iette  son  Esprit,  c'est  a  dire  son  souffle  sur  nous,  il  faut  que  nous  soyons  abysmez  du  premier  coup.  Quand  donc  nous  voyons  qu'il  y  a  un  tel  effroy  aux  narines  d'une  beste:  que  sera-ce  de  cest  Esprit  de  Dieu  qui  est  la  fontaine  de  toute  vertu,  ou  pour  nous  restaurer  et  vivifier,  ou  bien  pour  nous  abysmer,  et  nous  faire  perir?  Nous  voyons  donc  maintenant  comme  ces  parties  ne  seront  point  icy  mises  et  touchees  sans  cause,  et  que  ces  especes  de  bestes  ne  sont  point  distinguees  que  pour  bonne  instruction:  voire  moyennant  que  nous  ayons  ceste  discretion  d'appliquer  toutes  ces  choses  a  Dieu,  et  de  faire  les  comparaisons  telles  que  i'ay  dites.  Quand  il  est  parle  de  la  durete  de  sa  chair,  et  de  ses  os,  il  nous  faut  la  venir,  Comment?  Quand  Dieu  levera  sa  main  sur  nous,  que  sera-ce?  Voila  une  balaine  qui  renverse  les  grosses  navires,  et  les