32:474  gouvernement  de  la  police,  ceux  la  devoient  aussi  bien  monstrer  exemple  aux  autres.  Ainsi  quand  nous  avons  receu  un  singulier  benefice  de  la  main  de  Dieu,  les  anciens  doivent  preceder,  ils  ne  doivent  point  attendre  qu'on  aille  devant.  Voila  le  premier  a  notter  en  ceste  histoire  la:  puis  s'ensuyt  le  cantique.  Le  Seigneur  a  triumphe  magnifiquement.  Il  a  iette  les  chariotz  et  chevaucheurs  au  fondz  de  la  mer.  Le  Seigneur  est  ma  force  et  ma  louenge,  c'est  mon  Dieu,  ie  Phonnoreray.  Puis,  le  Seigneur  est  un  homme  de  guerre,  c'est  a  dire,  un  vaillant  capitaine.  Quand  il  sera  le  deffenseur  de  son  peuple,  il  ne  faut  point  qu'on  craigne.  Il  est  le  Dieu  des  armees.  Que  les  hommes  entreprennent,  il  n'y  aura  point  d'execution,  encore  qu'ilz  ayent  commence,  nostre  Seigneur  les  confondra  en  la  fin.  Voila  donc  comme  il  nous  faut  magnifier  Dieu,  c'est  luy  a  qui  toute  louenge  appartient.  Puis  dire  que  c'est  un  vaillant  capitaine,  non  point  pour  faire  un  acte  seulement,  mais  pour  continuer  iusques  a  la  fin.  Sur  cela  il  est  dit:  Le  Seigneur  est  mon  rocher,  c'est  ma  forteresse.  Il  faut  prendre  cela  comme  s'il  estoit  dit:  II  veut  desployer  son  bras  a  nostre  ayde.  Puis  qu'il  nous  a  une  fois  appelle,  il  se  declairera  nostre  Dieu.  Apres  que  Moyse  a  commence  chacun  suyt  en  son  ordre.  Les  femmes  aussi  se  prennent  a  chanter.  Marie  soeur  de  Moise  exhorte  les  autres.  Elles  chantent,  a  qui?  a  Dieu,  et  comment?  de  cueur  et  d'affection.  Cas  tu  este  Seigneur  qui  nous  as  delivre,  tu  y  as  besongne.  Ce  n'a  point  este  un  acte  singulier  que  ceste  protestation  la.  Mais  l'ordre  a  tousiours  este  tel  en  l'Eglise  ancienne.  Quand  nostre  Seigneur  donnoit  quelque  victoire,  il  y  avoit  une  espece  de  sacrifices  qu'on  appelloit  des  pacifiques.  Qand  le  peuple  avoit  eu  quelque  affliction  de  guerre,  de  famine  ou  de  peste,  apres  estre  delivre  on  faisoit  une  feste  solennelle,  on  denoncoit  que  le  peuple  s'assemblast,  puis  on  faisoit  recognoissance,  et  principalement  en  victoire.  Suyvant  le  propos  que  nous  avons  a  traitter,  quand  un  ennemy  s'estoit  esleve,  et  que  le  peuple  l'avoit  repousse,  ou  faisoit  une  feste  pour  recognoistre  le  benefice  de  Dieu.  Cas  tu  este  Seigneur,  qui  nous  a  donne  victoire.  Nous  sommes  maintenant  sur  ce  point,  que  nous  ne  devons  point  louer  Dieu  par  feintise,  mais  devons  cognoistre  a  la  verite  que  c'a  este  en  son  nom,  et  par  sa  vertu  que  noz  ennemis  sont  desconfis.  Regardons  si  David  ne  nous  en  monstre  pas  biefa  le  chemin.  Et  pour  exemple  prenons  le  Pseaume  68  qui  est  une  conclusion  de  toutes  ses  victoires.  Il  n'est  point  dit  a  David,  tu  as  vaincu.  Aussi  le  peuple  ne  dit  point,  notre  Roy  est  vaillant,  c'est  un  homme  hardy,  bien  usite  en  guerre,  rien  de  cela.  David  enseigne  le  peuple  ce  qu'il  devoit  chanter,  il  luy  commande  disant,  Chantez  a  Dieu,  dites  Pseaumes  en  son