20:474  4199.  MOYSE  A  CALVIN.  Demande  de  pasteur.  (Autographe  de  la  Bibliotheque  de  Genere,  vol.  196,  fol.  116.)  A  Monsieur  Monsieur  Calvin  a  Geneve.  Grace  et  paix  par  Iesus  Christ  amen.  Monsieur,  le  present  pourteur  qui  est  un  de  noz  freres  de  l'Eglise  de  Libourne,  qui  des  le  commencement  s'est  monstre  fort  affectionne  envers  la  Religion  come  maintenent  ausi  le  monstre  par  efaict,  s'en  va  par  devers  vous  et  noz  autres  autres  *  peres  part  dela  des  partz  de  toute  l'Eglise  pour  vous  supplier  leur  prester  la  main  encore  une  fois  si  possible  est  leur  adressant  un  homme  tant  pour  apposteler  plusieurs  qui  crient  jncessamment  a  la  sain  qu'ausi  pour  redresser  aucuns  qui  autrement  pour  faute  de  conducteur  sont  menaces  de  ruine  prochaine  ainsi  que  le  puis  prevoir  (a  mon  grand  regret)  tant  pour  nostre  proche  voisinage  comme  pour  y  avoir  este  souvent  celon  ma  charge  et  petites  commoditez.  Bref  je  ne  scay  part  deca  lieu  entre  plusieurs  ou  il  y  ait  si  grand  besoin  de  vostre  faveur  en  cest  endroict  que  la.  I'espere  que  bien  tost  par  vostre  moyen  comme  a  la  necessite  urgante  y  sera  proveu.  Au  reste  nostre  Eglise  et  autres  part  deca  s'augmentent  de  jour  en  jour  et  se  fortiffient  (dieu  mercy)  contre  plusieurs  empaischemens  qui  mieux  vous  pourront  estre  declaires  si  desires  les  scavoir  par  le  present  pourteur  de  bouche  quadverty  par  moy  de  lettre  laquelle  pour  vostre  respect  sera  plus  briefve  que  sera  fin,  Monsieur,  m'estant  treshumblement  recommande  tant  a  vostre  bonne  grace  que  prieres  suppliant  le  Seigneur  continuer  longuement  et  augmenter  les  graces  qu'il  a  mises  en  vous  desquelles  tous  les  jours  nous  nous  resalutons.  de  Castillon  *)  ce  12.  Martz  par  Vostre  treshumble  serviteur  Moyse.  4199.1)  sur  la  Dordogne  pres  de  Libourne,  Nous  n'avons  point  de  renseignements  ni  sur  l'auteur  de  la  lettre  ni  sur  les  eglises  qu'elle  nomme.  Probablement  elle  appartient  a  l'annee  1561.  Comp.  VHist  eccl  I.  786.  810.