8:473  473  MICHAELIS  SERVETI.  474  neque  huc  neque  illuc  se  conferre  audet:  sed  suspendit  sententiam.  Interim  ex  veris  principiis  malam  consequentiam  elicit,  nihil  adhibendum  esse  consilii,  quia  Deus  quod  suum  est  tuebitur:  quod  autem  ab  hominibus  est,  pessum  ibit.  Atqui  Dominus  tametsi  [pag.  25]  unicus  sit  agricola,  mittit  tamen  operarios  in  vineam  suam:  tametsi  solus  det  incrementum,  vult  tamen  esse  qui  plantent  et  rigent:  tametsi  templi  sui  sit  architectus,  ministros  tamen  et  opifices  sibi  adiungit  qui  in  hoc  aedificium  laborent.  Denique,  tametsi  defensor  sit  operum  suorum  et  vindex,  hominibus  tamen  utitur  ministris.  Putidius  est  quam  ut  refutatione  indigeat  quod  quidam  ex  profanorum  hominum  dictis  colligunt:  Si  de  cultu  Dei  et  legis  doctrina  habetur  quaestio,  non  esse  crimen  morte  aut  vinculis  dignum.  Quis  enim  non  videt,  homines  a  vera  luce  alienos  contemptim  exposuisse  Dei  legem  rixis  et  certamini-  DUS  ut  tandem  in  fastidium  et  probrum  veniret?  Claudius  Lysias  Felici  scribit  (Act.  23,  26)  se  nullum  in  Paulo  reperisse  crimen,  quia  tantum  cum  Iudaeis  de  lego  disceptet:  non  quod  probet  Pauli  causam,  sed  quia  legem  susque  deque  habet:  imo  cuperet  prorsus  esse  abolitam,  ideoque  gaudet  intestinis  dissidiis  convelli.  Tam  boni  scilicet  patroni  voce  iudicii  laqueos  dissolvere  conatus  est  Servetus  1);  quasi  coeleste  esset  oraculum  quod  Lucas  a  tam  malo  autore  profectum  esse  recitat.  Obiiciunt  tandem,  quum  iussus  est  Petrus  gladium  in  vaginam  recondere  (Matth.  26,  52),  Dominum  satis  clare  testatum  esse  quam  sibi  non  placeat  violenta  et  armata  evangelii  defensio.  Sed  quid  si  excipiam,  ne  verbis  quidem  coram  Pilato  suam  innocentiam  asseruisse,  ut  iure  poterat?2)  Si  decreto  patris  obsequi  volens  quasi  agnus  coram  tonsore  obmutuit,  et  tantisper  a  praedicando  evangelio  abstinuit,  dum  sacrificio  mortis  suae  peccata  expiaret:  miramur  si  Petrum  a  caede  [pag.  26]  prohibuerit?  Verum  aliud  est  quod  respondeam:  Ius  stringendi  gladii  Christus  ministro  suo  non  concedit:  temere  enim  homo  privatus  eum  arripuerat.  Tumultuose  repelli  non  vult  milites  a  quibus  vinciendus  erat,  nempe  ne  hanc  infamiam  subiret  quasi  aleret  pro  evangelii  ministris  sicarios.  Hinc  colligi  nulla  ratio  patitur,  principum  manus  ligari,  ne  ordinarium  munus  suum  exerceant.  In  summa,  vi3)  Petrum  grassari  non  ideo  vetat,  vel  ut  magistratus  exarmet,  vel  ut  eos  repellat  a  iusta  evangelii  propugnatione:  sed  quia  illum  ruere  non  vult  prae-  1)  Add.  Car  il  en  feit  son  bouclier  en  une  requeste  qu'il  presenta  a  noz  Seigneurs.  2)  Add.  Sera-ce  a  dire  pourtant  qu'il  nous  faille  taire  et  ne  sonner  mot  devant  les  iuges,  pour  approuver  la  verite  de  Dieu.  3)  Beza  et  Amst  pessime  scribunt:  ut.