7:473  473  CUM  ANTIDOTO.  474  Itaque  et  clausulam  adiungunt  tali  doctrinae  congruentem:  dubio  eventu  militandum  esse  in  hac  vita:  donec  unicuique  Deus  secundum  eius  opera  rependat.  Quo  totam  fidei  nostrae  gloriationem  evertunt  :  vel,  ut  Pauli  verbo  utar,  fidem  exinaniunt  ipsam  (Rom.  4,  14).  At  Paulus  iustificatum  [pag.  225]  se  negat,  etiam  si  nihil  sibi  sit  conscius  (1  Cor.  4,  4).  Fateor:  ideoque  ut  stabilis  constet  ac  tranquilla  iustitiae  possessio,  posthabita  operum  mentione,  iudicem  nostrum  deprecari  convenit,  ut  ne  in  iudicium  intret  nobiscum  (Psal.  143,  2).  Hic  enim  unicus  securitatis  nostrae  portus  est,  quod  iudicis  personam  Deus  exuit,  ut  se  nobis  patrem  exhibeat.  Nec  tamen  pudet  istos  porcos,  territandis  simplicibus  saevam  denunciationem  intonare:  neminem  iustitiae  compotem  futurum,  qui  non  firmiter  teneat  quod  praescribunt.  Quid?  An  nova  iustificationis  ratio  nuper  exorta  est?  ac  non  potius,  sicut  una  est  salus,  ita  eadem  omnes  ad  ipsam  pervenimus  via?  Quid  ergo  prophetis  et  apostolis  fiet,  qui  operam  talibus  magistris  non  dederunt?  Proinde  Tridentina  schola  valere  iussa,  l)  eam  teneamus  fixam  fidem,  quam  ex  Christi  spiritu  nobis  prophetae  et  apostoli  tradiderunt,  scientes  unde  didicerimus.  Caeterum,  ne  cui  obscurum  foret,  venerandos  patres  ex  eorum  esse  numero,  quorum  os  maledictione  plenum  esse  clamat  David  (Psal.  10,  7):  totidem  fere,  quot  ipsi  sunt  homines,  anathemata  truculentis  buccis  despumant,2)  quibus  honorificum  et  plausibile  imponunt  canonum  nomen.  Et  tamen  ne  maligne  agere  videar,  quasi  eius,  quam  hactenus  servavi,  moderationis  [pag.  226]  sim  oblitus,  tribus  primis  libenter  subscribo.  Reliquis  breves  censuras  attexam.  CANONUM  ANTIDOTUM.  In  I.  Canonem,  II.  et  III.  Amen.  In  IV.  Dictum  est  supra,  quomodo  liberum  arbitrium  Deo  assentiatur  vocanti,  et  excitanti.  Obsequimur  certe  Deo  volentes:  sed  voluntate,  quam  in  nobis  formavit.  Qui  ergo  motum  aliquem  libero  arbitrio  proprium  tribuunt,  et  separatum  a  Dei  gratia,  nihil  aliud  quam  spiritum  sanctum  discerpunt.  Neque  vero  Paulus  volendi  facultatem  nobis  dari,  sed  velle  ipsum  in  nobis  effici  praedicat  (Phil.  2,  13):  ut  non  1)  quiconque  sera  bien  advise,  qu'il  envoie  au  grat  telz  docteurs.  2)  ilz  escument  quasi  autant  de  maudissons  en  ceste  matiere  qu'ilz  estoyent  d'asnes  assiz  au  Concile.