5:473  CONSILIUM  PAULI  III.  Ex  quo  principio  quae  potest  [fol.  10]  concordia  sperari,  quum  omnimodam  perniciem  sedis  apostolicae  ii  unius  partis  quaerant,  deinde  hac  destructa  totius  ordinis  ecclestiastici  perturbationem.  Quasi  repressa  unius  tyrannide  totum  suum  ordinem  ecclesia  protinus  amittat.  Sed  hoc  acute  videt,  redacta  in  ordinem  tyranni  potestate,  fore  ut  satellites  simul  coerceantur,  ne  tam  insolenter  lasciviant.  Hoc  igitur  est  quod  obscuris  et  odiosis  verbis  insinuat.  Quod  si  anno  superiori  fecerunt  in  viridi,  quid  nunc  facient  in  arido,  quum  videant  pacem  cum  rege  Gallorum  nondum  conclusam  et  Turcam  iam  Hungariae  imminentem,  opportunitate  enim  temporum  erunt  insolentissimi.  Ex  se  metiuntur  alios.  Vetus  enim  hoc  est  romanensium  pontificum,  ut  non  solum  dissidiis  monarcharum  ad  augendam  suam  potentiam  abutantur,  sed  etiam  dissidia  inter  eos  et  serant  semper  et  foveant,  quo  legitima  illorum  potentia  vel  imminuta  vel  impedita  ipsi  suam  illegitimam  provehant  et  magis  magisque  confirment.  At  protestantes  hoc  a  Domino  precantur,  ut  monarchae,  privatis  cupiditatibus  repressis,  omnem  quae  inter  eos  superest  simultatem  prorsus  deponant  coniunctisque  et  animis  et  viribus,  quum  instaurationem  religionis,  tum  crudelitatis  turcicae  propulsationem  suscipiant.  Deinde  si  ex  temporum  opportunitate  consilia  captarent  protestantes,  et  non  sibi  potius  ex  iussu  et  voluntate  Domini  moderarentur,  quum  alias  pridem,  tum  vero  praecipue  quando  Francofurti  habebatur  conventus,  sic  oblatis  conditionibus  usi  essent,  ut  et  ipsis  hodie  minus  molestiae,  et  Germaniae  minus  periculi  a  Romanensium  tam  artibus  quam  violentis  molitionibus  timendum  foret.  Quam  enim  non  viruerint  res  papae  eo  tempore,  satis  et  ipse  meminit  et  omnibus  fuit  conspicuum.  Sed  dictum  esse  sanctis  protestantes  semper  cogitarunt:  In  spe  et  silentio  erit  fortitudo  vestra.  Neque  patientur  se  a  suis  quibus  pertinaciter  haerent  sententiis  dimoveri  Ab  iis  quidem  sententiis  quas  ex  verbo  Dei  sumpserunt,  [fol.  11]  quidquid  accidat,  nunquam  divelli  se  patientur.  At  si  quam  sententiam  tenere  eos  quis  ostenderit,  quae  cum  verbo  Dei  non  consentiat,  ab  ea,  simulatque  fuerint  moniti,  libenter  recedent  .etiam  si  nulla  temporis  necessitate  cogantur.  Quum  praesertim  maxima  sit  diversitas  inter  partes  non  unius  aut  alterius  (ut  falso  asseritur)  articuli,  sed  multorum  et  plusquam  quinquaginta  articulorum.  Est  sane  maxima  inter  partes  diversitas,  nec  unius  aut  alterius  articuli  dissensio,  imo  ne??quinquaginta