35:473  473  IOB  CHAP.  XLI.  474  toutes  leurs  forces  et  vertus  a  mal,  iusques  a  ce  que  Dieu  les  ait  reformez.  Ainsi  donc  en  toutes  manieres  nous  serons  abbatus,  quand  nous  saurons  et  pratiquerons,  qu'il  ne  faut  point  que  nous  pretensions  d'avoir  quelque  dignite,  ne  quelques  merites,  mais  que  nous  facions  cest  honneur  a  Dieu  de  dire  qu'il  peut  tout.  Voila  en  somme  ce  que  nous  avons  a  retenir  de  ce  passage.  Or  pour  conclusion,  combien  qu'il  n'est  ia  besoin,  et  mesmes  qu'il  ne  seroit  pas  expedient  de  nous  arrester  a  chacun  mot  de  ceste  longue  deduction  qui  est  faite  de  la  balaine:  que  toutes  fois  nous  sachions  que  cecy  n'est  point  superflu.  Nous  regardons  comme  en  passant  et  a  la  legere  les  tesmoignages  que  Dieu  nons  donne  de  sa  maieste.  Or  si  nous  avions  nos  esprits  bien  posez  pour  noter  ce  que  Dieu  nous  monstre,  afin  de  nous  esmouvoir  a  l'honnorer  comme  il  appartient:  il  ne  nous  faudroit  point  sortir  hors  de  nous:  car  nous  trouverions  assez  d'advertissemens  de  ce  que  Dieu  peut  et  de  ce  qu'il  veut  aussi:  nous  verrions  et  sa  bonte  et  sa  vertu  en  nous,  sans  aller  plus  outre.  Et  c'est  ce  que  sainct  Paul  dit  (Actes  17,  28),  Que  d'autant  que  nous  vivons  en  luy,  et  y  avons  nostre  mouvement  et  essence,  nous  sommes  assez  convaincus.  N'ouvrons  point  les  yeux:  si  est-ce  que  Dieu  nous  contraint  de  taster  qu'il  habite  en  nous:  et  s'y  demonstre  en  telle  sorte,  qu'il  faut  bien  que  nous  luy  facions  hommage.  Mais  quoy?  Cependant  nous  allons  a  l'estourdie:  et  il  ne  faudroit  qu'une  ongle  du  petit  doigt,  par  maniere  de  dire,  pour  nous  retenir  en  l'obeissance  de  Dieu,  si  nous  estions  bien  avisez,  et  que  nous  eussions  bonne  discretion.  Mais  pource  que  nous  passons  outre,  et  que  nous  ne  faisons  point  grand  cas  des  oeuvres  de  Dieu:  voila  pourquoy  il  y  a  icy  une  longue  deduction  faite  et  mesmes  qu'il  n'est  question  que  de  bestes.  Quand  donc  Dieu  fait  icy  une  longue  anatomie,  il  est  certain  que  cela  nous  semble  long,  mais  il  n'est  pas  superflu.  Et  pourquoy?  Pource  que  nous  sommes  si  volages,  que  nous  mesprisons  les  miracles  de  Dieu  quelques  grans  et  magnifiques  qu'ils  soyent.  Yoila  donc  ce  que  nous  avons  a  retenir  en  premier  lieu.  Or  cependant  quand  il  est  dit,  Le  tiendras-tu  a  ton  service?  ou  luy  mettras  des  boucles  aux  narines?  fesbatras-tu  de  luy  comme  d'un  petit  chien,  ou  d'un  oiseau?  c'est  pour  nous  signifier  que  tant  moins  sommes-nous  a  excuser,  si  nous  ne  recognoissons  nostre  Createur,  veu  que  nous-nous  trouvons  confus,  faisans  comparaison  d'une  balaine  avec  nous.  Et  cependant  toutes  fois  quand  les  hommes  disputent  des  oeuvres  de  Dieu  en  leur  cerveau,  et  qu'ils  le  contrerollent,  et  que  s'il  ne  fait  pas  a  leur  appetit,  ils  ne  s'en  contentent  point,  c'est  autant  comme  s'ils  le  vouloyent  abysmer.  Et  sera-il  pos-