32:473  473  SERMON  SUR  LE  PSEAUME  CXXIV.  474  mis,  leur  meschancete  et  leur  violence,  apres  tout  cela  il  nous  exhorte  a  beneir  le  nom  de  Dieu.  Israel  dise,  si  le  Seigneur.  Les  Papistes  nous  en  donnent  exemple.  Car  quand  nostre  Seigneur  leur  eust  permis  quelque  advantaige  sur  nous,  c'estoit  assez  pour  triumpher,  voire  par  tout  le  monde,  et  a  faire  des  processions  generalles.  Il  est  vray  qu'il  ne  nous  les  faut  point  ensuyvre  en  toute  chose.  Premierement,  ilz  remercient  leurs  idoles  au  lieu  de  Dieu,  comme  en  leurs  processions,  c'est  a  magnifier  les  creatures.  Ce  sont,  disent  ilz,  les  sainctz  de  paradis.  Il  faut  bien  que  Dieu  ayt  des  compagnons.  Quand  ilz  parlent  de  Dieu  en  telle  sorte,  ce  n'est  point  le  Dieu  vivant  qu'ilz  adorent,  comme  nous  avons  veu  quand  les  hommes  presument  de  servir  Dieu  a  leur  phantasie,  c'est  a  dire,  a  la  facon  des  payens,  en  toute  chose  superstitieuse.  C'est  aux  idoles  qu'ilz  sacrifient  quand  ilz  font  leurs  processions,  ilz  confessent  que  c'est  k  l'honneur  des  saincts  comme  de  Dieu.  Or  il  faut  nous  garder  de  faire  ainsi,  mais  au  lieu  qu'ilz  blasphement  le  nom  de  Dieu,  en  extolant  leurs  idoles,  il  faut  que  nous  exaltions  le  Dieu  vivant,  c'est  luy  qui  a  eu  pitie  de  nous  c'est,  luy  que  nous  devons  remercier,  suyvans  l'advertissement,  que  nous  donne  le  Prophete.  Beneit  soit  le  Seigneur.  Les  Papistes  ont  encore  un  autre  mal  qui  est  pire,  dont  il  nous  faut  aussi  garder.  Combien  qu'ilz  facent  semblant  de  remercier  Dieu,  ilz  ne  laisseront  point  de  se  glorifier,  comme  si  la  victoire  estoit  venue  de  leur  engin.  Ilz  en  font  comme  dit  Abacuc  du  Roy  d'Assirie.  C'est  qu'il  estimera  bien  en  passant  que  la  victoire  qu'il  aura  sera  de  son  Dieu.  Il  viendra  au  temple  de  son  idole,  et  fera  un  remerciement,  mais  puis  apres  estimera  il  que  son  idole  luy  a  donne  la  force?  non.  Ii  sacrifiera,  dit  il,  a  son  Retz.  Ainsi  les  Papistes  font  bien  la  mine  de  recognoistre  que  leurs  dieux  les  ont  aydez,  et  qu'ilz  en  sont  tenus  a  eux,  mais  s'il  est  question  de  parler  selon  qu'ilz  le  pensent,  ilz  ont  tout  fait.  Si  on  demande  comment  ilz  auront  eu  une  victoire:  comment?  N'a  ce  point  este  par  nostre  prudence?  nous  avons  este  diligens,  nous  sommes  venus  a  bonne  heure.  S'ilz  s'attribuent  a,  eux  mesmes  la  gloire,  dequoy  servent  leurs  actions  de  graces?  Ainsi  ce  qu'ilz  font  par  ceremonie,  ce  n'est  que  pure  hypochrisie.  De  nostre  coste,  que  faut  il  faire?  Regardons  comment  y  ont  procede  tous  les  serviteurs  de  Dieu  des  le  commencement.  Quand  le  peuple  d'Israel  fut  retire  de  captivite,  et  que  Pharao  fut  plonge  avec  ses  gens  au  milieu  de  la  mer  rouge,  lors  Moyse  et  les  anciens  commencerent  de  chanter,  comme  il  est  escrit  au  15.  d'Exode.  Moyse  est  nomme  le  premier,  comme  le  principal  conducteur,  puis  les  anciens.  C'est  a  dire  ceux  qui  avoient  le