8:472  principes,  a  piis  doctoribus  monendos  hortandosque  esse  fateor:  et  medicorum  instar  vim  ultimam  non  adhibeant  nisi  desperatis  morbis:  sed  a  dissoluta  mollitie,  quae  nihil  aliud  est  quam  mali  fomentum,  multum  differt  lenis  humanaque  medendi  ratio.  Adducunt  etiam  quaedam  scripturae  testimonia.  In  quibus  unum  videtur  habere  aliquid  coloris.  Sinite,  inquit  Christus  (Matth,  lo,  29),  zizania  cum  tritico  crescere,  ne  simul  evellatur  et  triticum.  Si  praecise  nobiscum  agunt  ex  verborum  formula,  non  tantum  prohibentur  magistratus  ab  usu  gladii,  sed  omnem  disciplinam  e  medio  tolli  oportet.  Excommunicatio  purgandae  ecclesiae  optimum  est  remedium:  atqui  locum  non  habebit,  &i  zizania  attingere  fas  non  est.  Adde  quod  non  tantum  de  perversis  dogmatibus  illic  Dominus  agit,  sed  quascunque  corruptelas  ad  vitiandum  bonum  semen  spargit  Satan  in  genere  designat.  Facessant  igitur  leges  et  iudicia,l)  si  relinqui  zizania  oportet  usque  ad  messem.  Atqui  sanis  lectoribus  minime  ambiguum  est  Christi  consilium.  Quemadmodum  enim  alibi  ecclesiam  areae  similem  facit,  in  qua  paleae  permixtum  est  triticum,  et  sagenae  in  quam  pariter  boni  et  mali  pisces  aggregantur:  ita  nunc  agro  eam  comparat,  qui  lolium  una  cum  bona  semente  ferre  et  alere  cogitur  [pag.  24].  Inde  enim  zeli  intemperies  nimis  acribus  ingeniis,  quod  indignum  esse  putant  sordibus  inquinari  Dei  sanctuarium:  sponsam  Christi,  quam  sanguine  suo  mundavit,  et  in  qua  lucere  Dei  gloria  debet,  foedis  maculis  esse  aspersam.  Atqui  Dominus  ut  nos  humiliet,  ut  probet  nostram  constantiam,  ut  nos  ad  cavendum  sollicitet,  ecclesiam  suam  multis  vitiis  esse  obnoxiam  patitur.  Atque  hinc  fit  ut  malos  cum  gemitu  ferre  in  suo  gremio  cogatur,  quos  fugare  non  potest.  Est  quidem  illud  verum,  simul  ac  cum  evangelio  suo  prodit  Christus,  ventilabro  paleas  a  tritico  discernere:  sed  hoc  ita  facere  incipit,  ut  plena  purgatio  ad  diem  ultimum  differatur,  quo  segregabit  agnos  ab  hoedis.  Non  igitur  quemlibet  rigorem  cessare  Christus  iubet,  sed  toleranda  esse  mala  admonet  quae  sine  pernicie  corrigi  nequeunt.  Et  certe  quamlibet  sedulo  et  animose  quisque  pro  suo  officio  eradicandis  vitiis  incumbat,  nunquam  eousque  proficiet  severitas  quin  multae  vitiorum  reliquiae  maneant.  Gamalielis  autoritas  perperam  ab  illis  adducitur.  Suadet  Gamaliel  (Act.  5,  34)  ut  quiescant  scribae,  quia  si  ex  hominibus  est  doctrina  sponte  diffluet:  sin  ex  Deo,  nunquam  poterit  dissolvi.  Nam  id  imperite  dictum  esse  facile  inde  patet,  quod  non  modo  pessumdat  omnem  politicum  ordinem,  sed  ecclesiae  quoque  disciplinam  enervat.  Et  certe  habenda  erat  personae  ratio.  Nam  Gamaliel  ambigens  quid  rectum  sit,  quasi  caecus  in  tenebris  1)  Add.  et  police.