7:472  fectione  ita  garrire.  Eadem  securitate  coelum  promercale  exponunt,  ipsi  interea  [pag.  223]  in  praesenti  mercede,  cui  inhiant,  occupati1).  Frustra  enim  pulchris  istis,  quos  postea  inducunt,  coloribus  oculos  non  prorsus  hebetes  tentant  perstringere:  dum  prohibent,  ne  quis  operibus  vel  glorietur,  vel  confidat:  quoniam  sint  Dei  dona.  Siquidem  ut  omittam,  quod  humanis  viribus  maiori  ex  parte  prius  arrogarunt,  quae  dona  esse  Dei  nunc  fatentur:  tria  sunt  in  eorum  decreto,  quae  ferri  non  debent,  errata.  Nam  etsi  obiter  attingunt,  Christi  merito  bona  piorum  opera  esse  meritoria,  quod  tamen  in  primis  necesse  erat  praetereunt:  nullum  esse  opus,  quod  non  infectum  sit  labe  aliqua,  nisi  Christi  sanguine  abluatur.  Quin  potius  falsam  operibus  dignitatem  affingunt,  ut  sine  venia  placeant.  Speciosum  quidem  est  quod  obtendunt:  fluere  omnia  a  spiritu  Christi.  Sed  ubi  absoluta  spiritus  sancti  virtus  reperietur?  Annon  ad  mensuram  unicuique  distribuitur  (1  Cor.  12,  ll)?  Debebant  ergo  observare,  semper  aliquid  nostrae  faecis  admixtum,  quod  puritatem  illam  inficiat.  Quum  autem  deformet  coram  Deo  quidquid  a  nobis  operum  prodit,  quae  nobis  inhaeret  vitiositas:  unum  superest,  ut  gratuita  acceptione  gratiam,  quam  non  habent  a  se  ipsis,  recuperent.  Id  fit,  dum  in  aestimationem  non  veniunt  ipsa:  sed  suum  a  Christo  pretium  mutuantur,  et  quasi  emendicant.  [pag.  224]  Haec  iam  nimis  crassa  impiaque  hallucinatio  :  non  agnoscere,  hoc  solo  demum  nomine  acceptum  esse  Deo  quidquid  operum  a  nobis  prodit,  quum  paterna  indulgentia  quidquid  vitiosum  est  ignoscitur.  Altera  autem  fere  similis  :2)  quod  non  reputant,  si  quid  etiam  opere  uno  simus  promeriti,  totum  id  quantumcunque  sit,  contraria  transgressione  perire:  Qui  deliquerit  in  uno,  factus  est  omnium  reus  (Iac.  2,  10).  Quam  tibi  promittis  mercedem,  ubi  nihil  quam  mortis  aeternae  reatus  indicitur?  Faciunt  itaque  perperam,  dum  ad  unicum  hoc  remedium  non  confugiunt,  ut  liberali  favore  dignetur  Deus,  si  quid  in  nobis  est  boni,  mala,  quae  longe  et  numero  et  pondere  superant,  non  imputando.  Tertius  vero  error  longe  deterrimus:  quod  salutis  fiduciam  ab  operum  intuitu  suspendant.c)  Verbo  quidem  uno  prohibent,  ne  nobis  fidamus:  sed  quum  rursus  in  opera  iubent  intueri,  ut  eatenus  nobis  certa  sit  spes  salutis,  quantam  illic  reperiemus  sperandi  materiam?  nonne  totam  in  nobis  fiduciam  aperte  locant?  1)  il  ne  leur  couste  rien  de  mettie  le  ciel  en  vente  et  en  faire  un  loyer,  et  cependant  ilz  sont  occupez  au  loyer  present  qu'ilz  attendent:  c'est  a  dire  le  payement  que  leur  rendra  le  Pape  pour  avoir  bien  combatu  contre  la  verite.  2)  ilz  se  monstrent  aussi  bestes  au  second  poinct.  3)  ilz  pendent  la  fiance  de  nostre  salut  au  croc  de  noz  merites.