55:472  stet,  ostendit  non  fore  extra  periculum,  nisi  probe  muniti  sint:  quia  certamen  habituri  sint  cum  perditis  hominibus  qui  non  modo  fidei  puritatem  corrumpent  falsis  dogmatibus,  sed  totam  fidem,  quantum  in  se  erit,  funditus  evertent.  Quum  dicit,  e  x  c  i  t  o  v  e  s  t  r  am  puram  mentem,  perinde  est  ac  si  diceret:  Volo  ad  sinceritatem  mentis  vos  expergefacere.  Atque  ita  debent  resolvi  verba:  Mentem  vestram  excito,  ut  pura  ac  liquida  sit.  Sensus  enim  est,  offuscari  piorum  mentes,  et  quasi  rubiginem  contrahere,  ubi  monitiones  cessant.  Porro  hinc  simul  colligimus,  etiam  homines  doctrina  praeditos,  nisi  continuis  monitionibus  excitentur,  sopitos  quodammodo  iacere.  Nunc  apparet  qualis  sit  admonitionum  usus,  et  quantopere  nobis  sit  necessarius.  Doctrinam  enim  semel  perceptam  suffocat  carnis  ignavia,  et  otiosam  reddit,  nisi  eam  adiuvent  monitionum  stimuli.  Non  ergo  satis  est  edoctos  esse  homines,  ut  teneant  quod  oportet:  sed  pios  doctores  incumbere  in  hanc  secundam  partem  decet,  ut  doctrinam  auditorum  memoriae  penitus  infigant.  Et  quia  natura  ut  plurimum  novitatis  cupidi  sunt  homines,  ideoque  ad  fastidium  propensi,  utile  nobis  est  tenere  quod  hic  dicit  Petrus:  ut  non  modo  libenter  sinamus  nos  ab  aliis  moneri,  sed  ut  se  quisque  exerceat,  doctrinam  assidue  memoria  repetendo,  ut  mentes  nostrae  pura  et  liquida  eius  intelligentia  niteant.  2.  Tit  memores  sitis.  His  verbis  significat,  nos  in  prophetarum  scriptis  et  evangelio  satis  habere  quo  excitemur,  modo  in  his  meditandis  seduli  simus  quantum  decet:  quod  ergo  rubiginem  interdum  contrahunt  mentes  nostrae,  vel  caligine  obducuntur,  id  nostra  ignavia  fieri.  Ergo  ut  nobis  perpetuo  Deus  illuceat,  huic  studio  nos  dedamus:  interea  fides  nostra  in  testibus  adeo  certis  et  idoneis  acquiescat.  Nam  si  prophetas  et  apostolos  habemus  consentientes  nobiscum,  imo  fidei  nostrae  ministros,  Deum  vero  autorem,  et  angelos  approbatores:  non  est  quod  nos  e  gradu  moveat  impiorum  conspiratio.  P  r  a  e  c  e  p  t  u  m  apostolorum  vocat  totam  doctrinam  qua  pios  instituerant.  3.  Hoc  primum  scientes.  Posset  participium  scientes  referri  ad  apostoli  personam,  hoc  sensu:  Ideo  laboro  in  vobis  excitandis,  quia  scio  quale  et  quantum  vobis  periculum  ab  illusoribus  impendeat.  Ego  tamen  malo  aliter  exponere,  ut  sit  participium  loco  verbi,  ac  si  dixisset:  Scitote  hoc  in  primis.  Praedici  enim  hoc  illis  oportuit:  quia  concuti  poterant,  si  repente  eiusmodi  ludibriis  ipsos  adorti  essent  impii.  Vult  igitur  eos  scire,  ac  reddi  certiores,  ut  parati  sint  ad  resistendum.  Porro  iterum  ad  eam  doctrinam  revocat  fideles,  quam  cap.  secundo  attigit.  Nam  per  d  i  e  s  e  x  t  r  e  m  o  s  satis  tritum  est,  regnum  Christi  designari,  iuxta  illud  Pauli,  ut  fines  saeculorum  in  nos  inciderint,  1.  Corinth.  10,  l  l  .