47:472  au  commencement.  Ainsi  il  faut  qu'elle  ait  este  eternelle.  Il  est  vray  qu'on  replicquera  a  rencontre,  pour  ce  que  Moyse  dit  que  Dieu  a  cree  au  commencement  le  ciel  et  la  terre  :  et  que  maintenant  sainct  Iehan  dit  que  ceste  Parolle  a  este  au  commencement:  qu'il  semble  pas  cela,  veu  qu'il  est  ainsi  que  le  ciel  et  la  terre,  et  autres  creatures  ont  eu  commencement,  qu'on  ne  puisse  pas  prouver  l'eternite  de  Iesus  Christ,  pourtant  s'il  est  dit  que  la  Parolle  a  este  au  commencement.  Mais  la  response  est  facile,  Ascavoir  que  quand  Moyse  traitte  de  ce  commencement,  il  nous  faut  aviser  de  quoy  il  parle:  ascavoir  du  ciel,  de  la  terre,  et  des  autres  choses  qui  ont  un  commencement.  Or  regardons  maintenant  ce  que  sainct  Iehan  dit,  au  commencement  (dit-il)  estoit  la  Parolle,  et  ou  estoit  ce  commencement?  En  Dieu.  Et  quel  est  le  commencement  de  Dieu?  Il  n'y  en  a  point:  autrement  il  faudroit  que  Dieu  fust  forge.  Ainsi  donc,  quan/d  il  est  parle  du  commencement  de  Dieu,  il  faut  conclure  que  c'est  un  commencement  qui  n'ha  point  de  temps.  Il  y  a  donc  bien  a,  dire  entre  le  passage  de  Moyse,  quand  il  dit  que  Dieu  a  cree  tout  au  commencement  et  cestuy-ci  quand  il  dit,  Que  la  Parolle  estoit  au  commencement.  Car  Moyse  traitte  des  creatures,  lesquelles  ont  commence  d'estre  en  un  temps  certain.  Or  yci  sainct  Iehan  ne  parle  que  de  Dieu,  qui  ne  peut  estre  sans  son  eternite.  Il  faut  donc  conclure  que  ce  commencement  n'ha  point  de  commencement.  Et  par  cela  nous  voyons  que  Iesus  Christ  a  tousiours  este.  C'est  donc  comme  si  sainct  Iehan  disoit  que  Iesus  Christ  est  nostre  Dieu  eternel,  lequel  nous  est  apparu  en  chair,  comme  aussi  sainct  Paul  en  parle.  Or  il  adiouste  puis  apres,  ceste  Parolle  estoit  avec  Dieu:  comme  s'il  disoit  qu'il  nous  la  faut  separer  de  toutes  creatures.  Voyla  l'intention  de  l'Evangeliste.  Il  ne  faut  point  (dit-il)  que  nous  imaginions  que  ceste  Parolle-ci  ait  eu  quelque  chose  de  semblable  aux  creatures.  Il  nous  faut  retirer  du  monde,  il  nous  faut  monter  pardessus  la  terre  et  le  ciel  quand  nous  pensons  a  ceste  Parolle.  On  eust  peu  demander,  Avant  qu'il  j  eust  ne  ciel  ne  terre  estoit-il  possible  que  ceste  Parolle  fust  au  commencement?  Sainct  Iehan  donc  pour  response  separe  ceste  Parolle  de  toutes  creatures:  comme  s'il  disoit,  Quand  ie  vous  parle  de  ceste  Parolle,  il  faut  venir  a  Dieu,  car  elle  est  en  Dieu.  Regardonsle  donc  comme  une  eternite,  qui  n'est  point  aux  creatures,  ni  au  ciel  ni  en  la  terre,  ni  en  rien  qui  soit.  Cependant  neantmoins  si-est-ce  que  l'Evangeliste  nous  monstre  yci  une  distinction  entre  Dieu  et  sa  Parolle.  Et  ceste  distinction  quelle  est-elle?  Ce  n'est  point  d'essence:  car  il  entend  tousiours  que  ceste  Parolle  est  Dieu:  Et  il  faut  conclure,