40:472  pheta.  Videmus  ergo  quantum  ad  externam  formam  spectat,  sequutos  esse  quod  Deus  praeceperat  lege  sua,  Ne  dicas,  quis  adscendet  supra  nubes?  quis  descendet  in  abyssos?  quis  traiiciet  mare?  Prope  est  sermo  in  ore  tuo,  et  in  corde  tuo  (Deut.  30,  12).  Quoniam  ergo  Deus  quodammodo  sistebat  se  in  medio  quoties  spiritu  prophetico  instruxit  servos  suos,  ideo  dum  veniunt  seniores  Israel  ad  prophetam,  dicuntur  venire  ad  Deum  ipsum,  quia  nolebat  Deus  proferre  sua  oracula  e  coelo,  neque  per  angelos:  sed  destinaverat  servum  suum  qui  loqueretur,  et  suggesserat  etiam  quid  diceret.  Hinc  colligimus,  fidem  nostram  non  recte  fundatam  esse,  nisi  ubi  ad  solum  Deum  attenti  sumus,  quia  solus  meretur  audientiam,  et  sibi  vendicat.  Caeterum  simul  notandum  est,  fidem  coniunctam  esse  cum  humilitate  et  modestia.  Ergo  si  quis  nubes  transscendere  appetat  quum  vult  sciscitari  quid  respondeat  Deus,  ille  procul  ab  eo  discedit:  quanquam  simulet  se  velle  accedere.  Haec  igitur  mediocritas  servanda  est,  ut  fides  nostra  acquiescat  in  autoritate  unius  Dei,  neque  feratur  huc  et  illuc  hominum  arbitrio:  et  tamen  non  gravetur  Deum  per  servos  suos  loquentem  audire,  sed  placide  se  subiiciat  prophetis.  Nunc  sequitur,  2.  Et  fuit  sermo  Iehovae  ad  me,  dicendo,  3.  Fili  hominis,  loquere  ad  seniores  Israel,  et  dic  illis,  Sic  dicit  dominator  Iehovah,  An  ad  quaerendum  me  (hoc  est,  consulendum  me)  venistis?  Vivo  ego  si  quaerar  a  vobis,  dicit  dominator  Iehovah.  Hic  propheta  iubetur  increpare  seniores  illos,  quanquam  simulabant  raram  pietatem  quum  ipsum  interrogarent:  dicit  Deus  illos  non  venisse  recto  animo.  Multi  aliter  vertunt,  nempe  si  inveniar,  vel  si  exorer  a  vobis,  vel  si  respondeam:  ita  verbum  l��HH  accipiunt  dupliciter,  priore  loco  pro  quaerere  vel  interrogare:  ubi  autem  additur,  Vivo  ego  si,  l  im  non  accipiunt  hic  pro  quaeri  vel  interrogari,  sed  pro  respondere  vel  exorari.  Sed  videtur  illud  longe  petitum:  et  cap.  14  locus  fuit  expositus  non  absimilis:  et  inde  etiam  colligere  licet,  Deum  hic  potius  invehi  in  hypocrisin  populi,  quam  illos  repudiare,  et  negare  se  responsurum.  Illic  dicebat  propheta  venisse  seniores  ad  ipsum  consulendum  ac  si  essent  optimi  discipuli:  &gd  quia  fallaci  illo  praetextu  decipi  poterat  Ezechiel,  occurrit  Deus,  et  dicit,  putasne  illos  venire  ut  interrogent?  Atqui  defixi  sunt  in  suis  idolis.  Nam  adiiciunt  cor  ad  illa:  deinde  oculos  tollunt  ad  suas  abominationes:  Vivo  ego  si  quaerant  me,  inquit,  hoc  est,  facile  est  ipsos  convincere  malae  fidei  dum  veniunt  supplices  ad  te  interrogandum.  Nam  si  vere  et  ex  anima  me  quaererent,  renuntiarent  suis  idolis,  nihil  amplius  esset  illis  commune  cum  suis  abominationibus.