32:472  Et  le  reste,  a  fin  que  ce  nous  soit  un  aguillon  pour  nous  inciter,  nous  sommes  si  nonchalans,  il  faut  nous  reveiller.  Qui  nous  reveillera?  Pensons  au  dangier  ou  nous  estions.  Mais  en  cela  le  principal  est  de  penser  a  la  consequence.  Ce  n'eust  point  este  pour  l'Allemaigne  seulement.  Satan  ne  se  fut  pas  contente  de  ruyner  l'Evangile  en  Allemaigne,  les  esclatz  fussent  vollez  iusques  icy.  Cela  eust  donne  une  audace  a.  tous  les  Papistes:  qu'eussent  ilz  dit?  Ces  Lutheriens  sont  vaincus  par  tout,  il  faut  destruire  le  reste,  il  en  faut  sufibquer  la  semence.  Le  diable  eust  regne  par  tout,  nous  en  eussions  plus  senty  que  nous  ne  pourrions  exprimer  de  parolles.  Un  homme  qui  sera  un  peu  de  sens  rassis  aura  horreur  d'y  penser.  Quand  nostre  Seigneur  nous  eut  voulu  affliger,  nous  l'avions  bien  merite.  Que  fut  il  advenu?  Or  il  est  vray  que  Dieu  eust  tousiours  conserve  son  Eglise,  comme  il  la  maintiendra  a  tous-iamais:  car  ce  n'est  point  sans  cause  qu'il  a  fait  luyre  son  Evangile  de  nostre  temps.  Il  faut  qu'il  ameine  son  oeuvre  a  perfection.  Mais  tant  y  a  que  nous  eussions  este  confus  de  tous  costez  quant  aux  hommes.  Quiconque  est  de  moyenne  prudence,  et  qu'il  y  pense,  il  sera  tout  estonne.  C'est  le  premier  poinct  que  nous  avons  a  notter  au  pseaume  present.  Pensons  y  donc,  suyvans  l'exhortation  du  Prophete,  et  venons,  a  faire  ce  qu'il  dit.  Qu'Israel  dise:  Si  le  Seigneur  n'eust  este  pour  nous,  nous  fussions  engloutie.  Il  parle  a  tous  fideles,  qui  sont  l'Israel  de  Dieu.  Il  les  convie  et  appelle  tous.  Or  nous  ne  pouvons  estre  assemblez  tous  ensemble,  mais  que  chacun  corps  d'Eglise  face  son  devoir.  Nostre  Seigneur  nous  a  delivre.  Chantons  luy  louenge.  Beneit  soit  le  Seigneur,  qui  ne  nous  a  point  mis  en  proye  entre  les  dentz  de  nos  ennemis.  Il  ne  dit  point  entre  leurs  mains,  car  ilz  sont  comme  bestes  sans  aucune  humanite.  Car  ceux  que  Satan  meine,  appetent  le  sang,  et  se  delectent  a  le  boire  comme  bestes  cruelles  et  sans  pitie.  Il  exprime  donc  plus  en  disant  ue  Dieu  n'a  point  permis  qu'ilz  nous  dissipassent  e  leurs  dents.  Si  le  Seigneur  nous  eust  permis  entre  leurs  dents,  c'eust  este  de  nous  comme  d'une  brebis  entre  les  dents  d'un  loup  affame.  Pourtant  il  faut  bien  de  cecy  beneir  le  Seigneur.  Or  quand  ii  dit  Beneit  soit  le  Seigneur,  c'est  suyvant  l'exhortation  qu'il  avoit  faicte.  Il  parle  a  tous.  Et  ne  faut  point  seulement  y  penser  en  particulier,  mais  il  en  faut  faire  tous  ensemble  une  action  de  graces  solennelle,  comme  nous  avons  veu  au  Pseaume,  duquel  avons  chante,  au  commencement  du  Sermon.  Nous  devons  celebrer  le  Seigneur.  Comment?  En  l'assemblee  de  tous  les  fideles.  Or  donc  maintenant  notions  le  second  poinct.  Apres  qu'ils  nous  a  admonnestez  de  bien  penser  au  dangier  ou  nous  estions,  nous  remonstrant  la  cruaute  de  noz  enne-