8:471  471  REFUTATIO  ERRORUM  472  allicere  tentavit,  ut  illud  impleret  Iesaiae  vaticinium  (42,  3):  Ecce  servus  meus  non  rixabitur,  neque  contendet,  neque  in  plateis  audietur  eius  clamor:  calamum  quassatum  non  confringet,  et  ellychnium  fumigans  non  exstinguet.  Quasi  vero  nobis  contraria  exceptio  non  sit  in  promptu,  ut  doctoris  officio  functus  est  Christus,  ita  arreptum  fuisse  ab  eo  flagellum  quo  templum  Dei  a  profana  nundinatione  purgaret  (Matth.  21,  12).  Si  impetu  profligavit  filius  Dei,  qui  divini  cultus  praetextu  [pag.  22]  hostias  in  atrio  templi  vendebant,  cur1)  gladium  sibi  divinitus  commissum  non  exserent  pii  magistratus  ad  coercendos  perfidos  apostatas,  qui  totum  Dei  templum  aperta  contumelia  profanant  ac  violant?  Ac  unum  quidem  huius  sancti  zeli  specimen  edidit  Christus.  In  reliquo  autem  vocationis  suae  cursu  ab  externo  correctionis  genere  abstinuit,  ne  spirituale  regnum  sibi  a  patre  commissum  terrenis  imperiis  misceret.  Nam  qui  haereditatis  inter  fratres  herciscundae  arbiter  esse  renuit,  suum  tamen  ius  cuique  servari  vult  a  piis  iudicibus.  Ad  haec  distincte  notat  Iesaiae  vaticinium,  non  ad  omnes  promiscue  spectare  quam  commendat  in  Christo  mansuetudinem.  Placida  Christo  mitisque  suavitas  tribuitur,  qua  infirmos  sustineat,  non  qua  robustam  malitiam  magis  obduret.  Mansuetus  est  Christus,  ut  calamum  quassatum  non  confringat:  an  ideo  quoque  ut  eorum  obstinationem  foveat,  qui  debiles  confringunt?  Mansuetus  est  ut  parcat  ellychniis  fumigantibus:  an  ideo  ut  tenebras  non  discutiat?  Quin  potius  sceptro  ferreo  armatur,  quo  inimicorum  capita  conterat  (Psal.  2,  9).  Scio  equidem,  ut  non  alio  quam  verbi  gladio  utatur  Christus,  promptam  illi  esse  vindictam  in  omnes  impios:  sed  non  dicemus  alio  quam  eius  spiritu  actum  fuisse  Petrum,  quum  Ananiam  et  Sapphiram  subita  morte  percussit  (Act.  5,  1  seqq.):  nec  Paulum  dicemus  fuisse  magistro  dissimilem,  quum  Elymam  magum  caecitate  ultus  est  (Act.  13,  ll).  Nec  video  quorsum  pertineant  potentiae,  quas  inter  spiritus  dona  commemorat  idem  Paulus  (1.  Cor.  12,  10),  nisi  ut  ad  incutiendum  contemptoribus  terrorem  vigeret  spiritus  severitas.  Ergo  verbi  ministris  licuit  corporali  poena  coercere  impios:  principes,  [pag.  23]  quorum  proprium  est  munus  gladio  tueri  sanctum  ordinem,  in  fidei  dissipatione  cessabunt?2)  Porro  crudelis  est  ista  quam  laudant  clementia,  oves  exponere  in  praedam  ut  lupis  parcatur.  Animas  ipsi  pravorum  dogmatum  veneno  interficiunt,  et  legitima  gladii  potestas  ab  ipsorum  corporibus  arcebitur?  lacerabitur  totum  Christi  corpus,  ut  putridi  unius  membri  intactus  maneat  foetor?  Equidem  ut  moderate  agant  1)  tum  Beza  et  Amst.  2)  seront-ilz  oisifs  et  se  tiendront-ilz  les  bras  croisez  voyans  que  le  Diable  s'efforce  de  ruiner  par  ses  supposts  la  foy  et  saincte  religion?