7:471  471  ACTA  SYNODI  TRIDENTINAE  472  3,  17).  Item:  Victoriam  esse  nostram,  qua  mundum  vincimus  (1  Ioann.  5,  4).  Item:  Scutum  esse  repellendis  diaboli  insultibus  (Ephes.  6,  16;  1  Petr.  5,  9).  Item:  Fide  nos  in  virtute  Dei  custodiri  in  salutem  (1  Petr.  1,  5).  Non  ergo  dubium  est,  quin  sepulta  sit  obrutaque  fides  in  homine,  simul  atque  victus  est  tentatione  aliqua,  ut  a  timore  Dei  discedat.  Non  enim  magis  spiritus  sanctificationis  a  fide,  quam  Christus  ipse  separari  potest.  Neque  tamen  assero,  quum  excidimus  a  timore  Domini,  prorsus  exstingui  in  nobis  fidem.  Sed  quemadmodum  pravis  concupiscentiis  opprimitur  Dei  timor,  ita  hanc  suffocari  dico,  ut  vim  suam  nihilo  plus,  ad  tempus,  exserat,  quam  si  quodammodo  esset  intermortua.  Astute  scilicet  cuniculum  effodere  moliuntur  sancti  patres,  in  quo  dogma  illud  suum  impium  occultent:  non  sola  fide  nos  iustificari.  Sed  quia  hac  l)  non  succedit,  alia  adoriantur  via.  Superest  postremum  caput,  de  merito  bonorum  operum.  Nihil  porro  inter  nos  controversiae  est,  quin  exhortandi  sint  ad  bona  opera  fideles,  et  proposita  etiam  mercede  stimulandi.  Quid  igitur?  Primum,  quod  vitam  aeternam  faciunt  mercedem,  in  eo  ab  illis  dissentio:  neque  enim  si  in  vita  aeterna  Deus  opera  remuneratur,  inde  protinus  conficient,  [pag.  222]  vitam  ipsam  esse,  quae  in  ea  rependitur,  mercedem.  Quin  potius  haereditatem  esse,  ubique  scriptura  clamitat,  quae  non  alio,  quam  gratuitae  adoptionis  iure,  nobis  obvenit.  Sed  maior  est  in  eo  contradicendi  materia,  quum  eos  affirmare  non  pudet,  nihil  deesse  fidelibus,  quominus  legi  Dei,  pro  huius  quidem  vitae  statu,  satisfecisse,  et  vitam  aeternam  promeruisse  censeantur.  Ubi  ergo  erit  illa  beatitudo  quae  a  Davide  praedicatur,  Psal.  32  (v.  1)  sine  qua  sumus  omnes  ter  miseri?  Vae  autem  miseris  istis,2)  qui  non  intelligunt,  eum  qui  proxime  ad  perfectionem  accessit,  nondum  ad  dimidium  usque  iter  progressum  esse.  Nam  verissimum  esse  illud  Augustini  sentiunt,  quicunque  exercitatam  habent  conscientiam:  Sanctorum  iustitiam  in  hac  vita  remissione  peccatorum  constare  magis,  quam  perfectione  virtutum.3)  Verius  etiamnum  illud  alterum  quod  iam  citavi:  Quamdiu  sub  carnis  infirmitate  gemunt,  unicam  illis  spem  reliquam  esse,  quod  mediatorem  habent  Christum,  per  quem  Deo  reconciliantur.  4)  Sed  non  mirum  est,  crassulos  monachos,  qui  nullum  unquam  certamen  conscientiae  experti,  nunc  etiam  vel  ambitione  inebriati,  vel  crapula,  suo  tantum  idolo5)  ventilare  se  cupiunt,  de  legis  per-  1)  haec  1576  seqq.  2)  malheur  sur  ces  reprouvez  Antechnstz.  3)  Libro  de  civitate  Dei  19,  c.  27.  4)  Libro  ad  Bonifac.  3,  c.  5.  5)  leur  idole  de  Rome.