5:471  CONSILIUM  PAULI  III.  Caeterum  quod  non  omnia  sigillatim  recensuerunt,  quae  vel  in  doctrina,  vel  in  ordine  ac  disciplina  afflictae  perditaeque  ecclesiae  desiderabant,  cuius  aequitatis  erit,  eos  propterea  criminari?  praesertim  quum  perspicuum  sit  nullam  fere  particulam  esse,  quae  non  sub  capitibus  illic  expressis  comprehendatur.  Valeant  ergo  iam  apertae  calumniae,  quum  testatum  sit  satis  et  super,  coram  Deo  et  hominibus,  protestantes  optima  fide  retinere  eam  doctrinam,  cuius  professionem  ediderunt,  et  in  eo  ecclesiae  regimine  quod  illic  descripserunt,  recte  pergere.  Itaque  nihil  cum  eis  tractandum  erit  de  religione  quum  sint  tanquam  anguillae  lubricae  et  nihil  omnino  certi  in  manibus  catholicorum  haberi  poterit  [fol.  8]  Hic  se  aperit  malum,  unde  manant  istae  lacrymae.  Clare  videt  actum  de  regno  suo  pontifex,  si  semel  de  religione  colloquium  aliquod  tentetur  :  occurrendum  merito  censet,  verum  sine  praetextu  non  potest.  Obtendatur  ergo  vel  iure  vel  iniuria,  protestantes  anguillis  esse  magis  lubricos,  plenos  flexuosis  astutiis,  in  apertum  deduci  non  posse.  Atque  exceptio  in  promptu  est,  nec  captum  fuisse  unquam  experimentum,  et  protestantes  ipsos  multis  documentis  comprobasse,  nihil  se  magis  quaerere,  quam  Teram  et  simplicem  disceptationem.  Quid  ergo  sequetur,  nisi  pessimum  anguem  hic  latere,  quod  ab  omni  colloquio  tantopere  abhorret  pontifex,  et  ubi  spes  aliqua  est  tractationis,  ad  eam  impediendam  velut  ad  certissimum  incendium  accurrit?  Sed  et  superiori  anno  regia  maiestas  pro  sua  pietate  optasset  ac  sperasset  suadente  Marchione  brandenburgensi  electore  aliquam  viam  concordiae  posse  inveniri.  Verum  in  primo  limine  iterum  adversarii  in  lapidem  impegerunt,  ostendentes  quam  alienum  animum  habeant  a  concordia,  quippe  qui  excusso  semel  iugo  obedientiae,  non  reformatum  summum  pontificem,  sed  nullum,  non  remotos  abusus  aliquos  a  sede  apostolica,  sed  ipsam  sedem  apostolicam  destructam  velint  Quo  indicio  apparuisse  hoc  dicet,  quod  protestantes,  quum  de  concordia  autore  Marchione  brandenburgensi  agitaretur,  in  ipso  limine  impegerint?  Ne  in  eo  conventu,  qui  tunc  promissus  ac  condictus  filit,  praesiderent  romani  pontificis  legati,  nominatim  caverunt  protestantes,  idque  fecerunt  ea  causa,  ne  quem  defectionis  a  vera  Christi  doctrina  et  disciplina  reum  egerunt,  quem  fidei  proditorem,  ecclesiae  vastatorem  esse  dicunt,  eum  pro  legitimo  antistite  et  capite  vel  recipere  vel  agnoscere  viderentur.  Interim  tamen  minime  repugnarunt,  quin  et  pontificem  Caesar  advocaret,  et  eius  legatos  admitteret  ad  audiendam  disceptationem,  modo  id  fieret  sine  suo  consensu  ac  comprobatione.  Hinc  colligit  pro  suo  pudore  bonus  hic  nepos,  protestantes  excusso  semel