47:471  471  CONGREGATION  472  Dieu:  car  Dieu  n'est  point  comme  un  voile,  ou  il  y  a  des  ombrages,  comme  S.  Iaques  use  de  ceste  similitude.  Nous  sommes  comme  un  ombrage  qui  voltige,  et  ne  pouvons  demeurer  fermes.  Or  cela  n'est  point  en  Dieu,  en  sorte  que  ce  qui  est  en  luy,  est  de  son  essence  et  eternite.  Voyla  pourquoy  S.  Iehan  declare  que  ceste  Parolle  est  vrayement  Dieu.  Mais  quant  au  mot  (comme  i'ay  dit)  il  ne  nous  faut  imaginer  un  conseil,  ou  une  sagesse  en  Dieu,  qui  soit  semblable  a  la  parolle  des  hommes.  Il  est  vray  que  nous  pourrons  bien  prendre  quelque  comparaison  de  nous:  mais  il  faut  tousiours  regarder  la  longue  distance  qui  est  entre  nous  et  Dieu.  Car  si  les  cieux  sont  hauts  par  dessus  la  terre,  encores  faut-il  que  nous  cognoissions  que  Dieu  est  plus  haut  par  dessus  nous.  Il  n'y  a  point  de  proportion.  Ainsi  donc  quand  on  nous  amenera  quelque  similitude  des  creatures,  il  nous  faut  tousiours  noter  ceste  grande  distance  qui  est  entre  Dieu  et  nous.  Comme  on  pourra  bien  dire  qu'en  l'ame  de  l'homme  il  y  a  une  intelligence,  qui  est  tellement  coniointe  a  l'ame,  que  l'ame  ne  peut  estre  sans  intelligence.  Il  y  a  aussi  la  volonte  :  non  point  comme  quand  nous  avons  maintenant  un  desir,  maintenant  un  autre,  mais  la  faculte  (comme  Ton  dit)  de  vouloir  que  l'homme  ha  en  soy.  Car  Phomme  n'est  point  comme  une  pierre,  ou  une  busche  de  bois  sans  sens  et  sans  raison,  mais  il  ha  ceste  propriete  imprimee  de  vouloir  ceci  ou  cela.  Ainsi  donc  nous  pourrons  bien  prendre  de  telles  similitudes:  maiscependant  si  nous  faut-il  considerer  qu'il  est  yci  parle  de  choses  si  hautes  qu'il  faut  que  tout  sens  humain  soit  abbaisse,  et  que  nous  les  traittions  en  humilite,  les  applicquans  a,  leur  vray  sens:  que  nous  ne  soyons  point  curieux  par  trop:  que  nous  n'ayons  point  ceste  folle  imagination  qui  a  regne  par  cidevant  au  monde:  mais  que  nous  venions  a  l'eschole  de  Dieu  pour  escouter  ce  qu'il  nous  dira,  et  pour  fuir  tout  ce  que  les  hommes  mettront  en  avant,  et  qui  sera  contraire  a  ce  qui  nous  est  laisse  par  le  sainct  Esprit.  Or  cependant  il  nous  faut  aussi  noter  qu'aucuns,  estans  poussez  du  diable,  ont  perverti  le  sens  de  ceste  doctrine,  disant  que  ceste  Parolle  n'estoit  sinon  quelque  conseil  et  de  deliberation  que  Dieu  avoit  fait  de  racheter  le  genre  humain  en  la  personne  de  Iesus  Christ  (qui  estoit  une  idee,  qu'on  appelle:  comme  quand  un  homme  aura  delibere  de  faire  quelque  ouvrage,  et  qu'il  l'aura  conceu  en  son  esprit):  ne  laissant  point  d'eternite  d'essence  au  fils  de  Dieu  en  parlant  ainsi.  Or  nous  voyons  desia,  et  verrons  encores  plus  amplement,  comme  sainct  Iehan  appelle  Iesus  Christ  la  Parolle  de  Dieu,  pour  monstrer  sa  Divinite  comme  i'ay  desia  dit.  Et  qu'ainsi  soit,  voyci  un  tesmoignage  apparent  de  Dieu  mesmes:  car  il  dit  que  ceste  Parolle  estoit